অসম লাইভ২৪ঃ লিভ ইন ৰিলেশ্ব্যনচিপত থাকোতেই সংগীক হত্যা কৰিছিল আফতাব আমিন পুুনুৱালাই। এই হত্যাকাণ্ডৰ খবৰ এতিয়া দেশজুৰি চৰ্চিত। প্ৰেয়সী শ্ৰদ্ধাৰ দেহটো ৩৫টা খণ্ডত কাটি টুকুৰা টুকুৰ কৰিছিল ধৃত আফতাবে। ঠাণ্ডা মগজুৰে পৰিকল্পিতভাৱেই এই হত্যকাণ্ড সংঘটিত কৰিছিল আফতাবে। আৰক্ষীয়ে জেৰা অব্যাহত ৰখাৰ মাজতেই দাঙি ধৰা প্ৰতিবেদনত দিছে বহুকেইটা ভয়ংকৰ তথ্য। আৰক্ষীক দিয়া স্বীকাৰোক্তিত আফতাবে কৈছে যে এই হত্যাকাণ্ড সংঘটিত কৰাৰ আগত বহুকেইখন ৱেব ছিৰিজ চাইছিল। ৱেব ছিৰিজৰ পৰাই কিটিপসমূহ আহৰণ কৰিছিল।
কেনেকৈ হত্যা কৰিছিল শ্ৰদ্ধাক?
আৰক্ষীয়ে প্ৰকাশ কৰা তথ্য অনুসৰি এই হত্যাকাণ্ড সংঘটিত হৈছিল ছমাহ পূৰ্বেই। শ্ৰদ্ধা আছিল ২৭ বছৰীয়া আনহাতে ধৃত আফতাবৰ বয়স ২৮ বছৰ। লিভ ইনত থাকোতেই হোৱা তৰ্ক বিতৰ্কৰ মাজতে শ্ৰদ্ধাক মাৰি পেলোৱাৰ সিদ্ধান্ত লয় আফতাবে। ভৱামতেই প্ৰেয়সীক মাৰি ৩৫ টুকুৰাত বিভক্ত কৰে। তাৰ পিছতেই সেই মাংসৰ টুকুৰাসমূহ দিল্লীৰ বিভিন্ন স্থানত দলিয়াই দিয়ে। শ্ৰদ্ধাৰ পিতৃৰ অভিযোগৰ ভিত্তিত আফতাবক গ্ৰেপ্তাৰ কৰাৰ পিছতেই পোহৰলৈ আহিছে বহুকেইটা ভয়ংকৰ তথ্য। শনিবাৰে আৰক্ষীয়ে গ্ৰেপ্তাৰ কৰিছে ধৃত আফতাবক। ৫ দিনৰ বাবে আৰক্ষীয়ে জিম্মাত লৈছে আফতাবক। আৰক্ষীয়ে চলোৱা জেৰাত আফতাবে স্বীকাৰোক্তি দিছে য়ে ‘ডেক্সটাৰ’ নামৰ ৱেব ছিৰিজ চায়েই এই হত্যাকাণ্ড কৰিছিল আফতাবে।
‘ডেক্সটাৰ’ ত কি দেখুওৱা হৈছিল?
আমেৰিকাৰ এই জনপ্ৰিয় ৱেব ছিৰিজটো ২০০৬ চনৰ পৰা ২০১১ চনলৈ চলিছিল। ছিৰিজৰ নায়কৰ নাম আছিল মৰ্গেন ডেক্সটাৰ। চৰিত্ৰ ডেক্সটাৰ আছিল ফৰেনছিক বিজ্ঞানী। অৱসৰৰ সময়ত তেওঁ এটা হত্যাকাণ্ড কৰে। সেই হত্যাকাণ্ডটো কেনেকৈ সকলোৰে দৃষ্টিৰ পৰা লুুকুৱাই ৰাখে তাত দেখুওৱা কিটিপ ব্যৱহাৰ কৰিছিল দিল্লী হত্যাকাণ্ডত জড়িত আফতাবে।
কোন আছিল আফতাব?
আৰক্ষীয়ে প্ৰকাশ কৰা মতে আফতাবৰ ঘৰ মুম্বাইত। প্ৰেয়সী শ্ৰদ্ধাও মুম্বাইৰেই আছিল। এটা কল চেণ্টাৰত কাম কৰাৰ সময়ত দুয়োৰে মাজত চিনাকি হয়। এটা ডেটিং এপৰ মাধ্যমেৰে দুয়োৱে প্ৰথম কথা হৈছিল। দক্ষিণ দিল্লীৰ ডিচিপি অংকিত চৌহানে প্ৰকাশ কৰা মতে, তিনি বছৰ পূৰ্বৰে পৰা দুয়ো লিভিং ৰিলেশ্ব্যনচিপত আছিল। প্ৰথমে দুয়ো একেলগে মুম্বাইত আছিল তাৰপিছত দিল্লীত থাকিবলৈ দুয়ো গুচি আহে। এনেদৰে একেলগে থকাত বিয়াৰ বাবে জোৰ কৰিছিল শ্ৰদ্ধাই। এই বিষয়টোক লৈয়েই দুয়োৰে মাজত প্ৰায়েই বিবাদ হৈছিল।
কেনেকৈ হত্যাকাণ্ডটো কৰিছিল?
ডিচিপি চৌহানে কয়, ‘বিগত ১৮ মে’ত দুয়োৰে মাজত এই তৰ্কই ভয়ংকৰ ৰূপ লয়। খঙতে শ্ৰদ্ধাৰ ডিঙি চেপি ধৰে আফতাবে। ডিঙি চেপি ধৰোতেই শ্ৰদ্ধাৰ মৃত্যু ঘটে। তাৰাপাছতেই আফতাবে শ্ৰদ্ধাৰ দেহটো টুকুৰা টুকুৰ কৰি দিয়ে। টুকুৰাসমূহ কি কৰিব, ক’ত পেলাব সেই আইডিয়াও ৱেব ছিৰিজখনৰ পৰাই লয় আফতাবে। লগে লগেই এটা ফ্ৰিজ কিনি আনে আফতাবে। তাতেই খণ্ডিত টুুকৰাবোৰ ভৰাই থয়। পিছত ১৮ দিন ধৰি ৰাতি ৰাতি দিল্লীৰ বিভিন্ন ঠাইলৈ গৈ এটা এটা টুকুৰা পেলাই থৈ আহে আফতাবে।
ফ্ৰিজত কিমান দিনলৈ ৰাখি থৈছিল মৃতদেহটো?
শ্ৰদ্ধাৰ দেহটো টুকুৰা-টুকুৰ কৰি ফ্ৰিজত সোমোৱাই থয় আফতাবে। মৃতদেহৰ টুকুৰাসমূহ থৈ দিয়া ৰুমটোতেই নিশা কটাই আফতাবে। সদায়ে ফ্ৰিজত থৈ দিয়া শ্ৰদ্ধাৰ কটা মূৰটো উলিয়াই চায়। দেহৰ সকলো টুকুৰা পেলাই শেষ হোৱাৰ অন্তত ফ্ৰিজটো ধুই চাফা কৰি ৰুমতেই সোমোৱাই থয় আফতাবে। উল্লেখ্য যে শ্ৰদ্ধাৰ পূৰ্বেও বহু নাৰীৰে সম্পৰ্ক ৰাখিছিল আফতাবে। ছেপ্টেম্বৰ মাহত শ্ৰদ্ধাৰ এজন বন্ধুয়ে শ্ৰদ্ধাৰ পিতৃ মাতৃক জনাই যে, শ্ৰদ্ধাৰ বহুদিন ধৰি কোনো শুংসুত্ৰ নাই। আনকি তাইৰ ফোনটোও অফ আছিল। তাৰ পিছতেই শ্ৰদ্ধাৰ পৰিয়ালে ফেচবুকত শ্ৰদ্ধাক বিচাৰে কিন্তু তেই একাউণ্টটো প্ৰায় আঢ়ৈ মাহ ধৰি একো পষ্ট নাই। শেষত নৱেম্বৰ মাহলৈ শ্ৰদ্ধাৰ একো খবৰেই উলিয়াব নোৱাৰি পিতৃ আৰক্ষীৰ কাষ চাপে। আফতাবৰ সৈতে কন্যাৰ সম্পৰ্ক থকাৰ কথাও উল্লেখ কৰে পিতৃয়ে। পিতৃৰ অভিযোগৰ ভিত্তিতেই আৰক্ষীয়ে তদন্ত আৰম্ভ কৰে। শনিবাৰে আৰক্ষীয়ে গ্ৰেপ্তাৰ কৰে ধৃত আফতাবক। জেৰাত আফতাবে এই হত্যাকাণ্ডৰ কথা স্বীকাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
