পৃথিৱীক বয়স কিমান, পৃথিৱীৰ আয়ু কিমান এই বিষয়টোক লৈ বিজ্ঞানীয়ে পৰীক্ষা নিৰীক্ষা চলাই আছে৷ বিশ্ব উষ্ণায়নসহ একাধিক বিষয়ে পৃথিৱীক কেনেকৈ ক্ষতিগ্ৰস্থ কৰিব সেই লৈয়ো আলোচনা হৈছে৷ সম্প্ৰতি এক তথ্য কৈছে বিজ্ঞানীয়ে ইতিমধ্যেই লাভ কৰিছে এক আচৰিত তথ্যৰ৷ সেই তথ্য অনুসৰি যেতিয়া পৃথিৱীত আৰু মানুহ নাথাকিব, তেতিয়াই পৃথিৱী শাসন কৰিব কেৱল এইবিধ প্ৰাণীয়েহে৷
জলবায়ু পৰিবৰ্তন, যুদ্ধ এইসমূহৰ কাৰণে পৃথিৱীৰ ক্ষতি হৈছে৷ মানুহৰো ক্ষতি হৈছে, বাৰে বাৰে আলোচিত হৈছে এই বিষয়সমূহ৷ এই পৰিস্থিতিত বহুতেই কৈছে, পৃথিৱীত এক যুগৰ শেষ হ’লে স্বাভাৱিক নিয়মতেই আৰম্ভ হ’ব অন্য এক যুগৰ৷ কিন্তু লক্ষ্যণীয় এক যুগৰ শেষত সলনি হ’ব কেইবাটাও বিষয়৷ যিয়ে একসময়ত পৃথিৱী শাসন কৰিছে তেওঁলোকৰ বিলুপ্তি ঘটিছে৷ উদাহৰণ হিচাপে আকৌ উঠে ডায়নছৰৰ নামো৷ ডায়নছৰৰ দৰেই মানুহৰ বিলুপ্তি ঘটিলে পৃথিৱী কোনে শাসন কৰিব?
সৰ্বভাৰতীয় এক সংবাদ সংস্থাই জনাইছে যে বিজ্ঞানীসকলৰ দাবী যে এইবাৰ উঠি আহিব অক্টোপাছ৷ কিন্তু অক্টোপাছ কোন? কাৰণ বৰ্তমান সামুদ্ৰিক জীৱনৰ অন্যতম বুদ্ধিমান প্ৰাণী হিচাপে বিবেচনা কৰা হয় অক্টোপাছক৷ বিজ্ঞানীয়ে সেয়ে এই প্ৰাণীক লৈ গৱেষণা অব্যাহত ৰাখিছে৷
বিজ্ঞানীৰ দাবী, পৃথিৱীত যিদিনা মানুহ নাথাকিব তেতিয়া এই ৮ভৰিৰ প্ৰাণীয়েই জীৱক শাসন কৰিব৷ বিজ্ঞানীৰ মতে লেথাৰিকৈ হৈ থকা যুদ্ধ, জলবায়ুৰ পৰিবৰ্তনৰ কাৰণে, এই সময়ত নিজৰ বিপদ নিজেই মাতি আনিছে মানুহে৷ আৰু সেই সুযোগ ল’ব অক্টোপাছে৷ আনকি ধাৰণা কৰা হৈছে যে অক্টোপাছে পৃথিৱীৰ সকলোতকৈ সম্পদশালী, অভিযোজিত, বুদ্ধিমান প্ৰাণী৷ জটিল সমস্যাৰ সমাধান যেনেকৈ কৰিব পাৰে, তেনেকৈয়ে তৈয়াৰ কৰিব পাৰে নিৰ্ভুল ক্লোন৷ সঠিক পৰিবেশ পালে তেওঁলোকে তৈয়াৰ কৰিব নতুন এক সভ্যতা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
