অসম লাইভ২৪ঃ জোশীমঠৰ পাছতেই এইবাৰ জম্মু-কাশ্মীৰৰ কেইবাখনো ঠাই ভিতৰলৈ সোমাই যাবলৈ আৰম্ভ হৈছে। জম্মু-কাশ্মীৰৰ অন্যতম এক পৰ্যটন কেন্দ্ৰ ৰোষত পৰিছে প্ৰকৃতিৰ। জম্মু-কাশ্মীৰৰ ডোডা জিলাৰ সৰহসংখ্যক ঘৰেই ফাটি যাবলৈ আৰম্ভ কৰিছে। এটা দুটা বাসগৃহত নহয়। গাওঁখনৰ প্ৰায় ২১ টাকৈ গৃহত ফাঁট মেলিবলৈ আৰম্ভ কৰিছে। প্ৰায় ১৯ টাকৈ ঘৰ বৰ্তমানলৈ খালীও কৰা হৈছে।
জোশীমঠতো একেধৰণেই পোনতে ফাঁট মেলিছিল। তাৰপাছতেই একাধিক ঘৰ ভাঙি পেলোৱা হৈছিল জোশীমঠৰ। এইবাৰ জম্মু-কাশ্মীৰতো একেই ঘটনাৰেই পুনৰাবৃত্তি হৈছে। আগন্তুক দিনত জম্মু-কাশ্মীৰৰ এই ডোডা গাওঁ প্ৰকৃতিৰ বুকুত নিশ্চিহ্ন হোৱাৰ সম্ভাৱনা ব্যক্ত কৰিছে ভূবিজ্ঞানীয়েও। ইতিমধ্যেই এলেকাটোত আৰক্ষী মোতায়েনো কৰা হৈছে। প্ৰতিনিয়ত পৰিস্থিতি পৰ্যবেক্ষণ কৰিছে প্ৰশাসনৰ লোকে। প্ৰশাসনে কোনো যাতে আতংকিত নহয় তাৰবাবেও নজৰ ৰখা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
