পুৰুষৰ পাছত অষ্ট্ৰেলিয়াৰ হাতত মহিলাৰো পৰাজয়, একেদিনাই দুখন খেলত পৰাস্ত ভাৰত
এডিলেইডত দ্বিতীয়খন টেষ্টত আজি পুৰুষ ভাৰতীয় ক্ৰিকেটদলটো পৰাজয়ৰ পাছত একেটাদিনত মহিলা ভাৰতীয় ক্ৰিকেট দলটোৰো পৰাজয়। ব্রিজবেনত অনুষ্ঠিত হোৱা দ্বিতীয়খন এদিনীয়া মেচত অষ্ট্ৰেলিয়ান দলৰ হাতত ভাৰতীয় মহিলা দল পৰাজয়ৰ সন্মুখীন হ’বলগীয়া হৈছে৷
ভাৰতীয় মহিলা দলটোক ৩৭২ ৰানৰ বিশাল লক্ষ্য দিছিল অষ্ট্ৰেলিয়াই, যি লক্ষ্য ভেদ কৰিবলৈ আগবাঢ়িছিল ভাৰতীয় দলটো, পাছে আৰম্ভণিতে ছন্দৰ পটন। দলটোৱে প্ৰথম ৪টা উইকেট দ্রুতগতিত হেৰুৱাই শলঠেকত পৰে। তাৰ পাছত অষ্ট্রেলিয়াই ভাৰতক মেচখনত প্রত্যাৱর্তন ঘটাবলৈ সুযোগ নিদিয়ে৷
উল্লেখ্য যে, বৰ্তমানে অষ্ট্ৰেলিয়াৰ মাটিত এফালে পুৰুষৰ টেষ্ট মেচ, আনফালে মহিলাৰ তিনিখনীয়া এদিনিয়া শৃংখলা। পুৰুষৰ টেষ্ট মেছত বৰ্তমানে ১-১ৰ সমতা হৈছে, আনহাতে মহিলাৰ ক্ৰিকেটত ২-০ত পিছ পৰি ৰৈছে ভাৰত।
ব্রিজবেনত অনুষ্ঠিত হোৱা মহিলাৰ দ্বিতীয় খন এদিনীয়া শৃংখলাৰ এই মেচত প্ৰথমে বেটিং কৰা অষ্ট্ৰেলিয়াৰ দলটোৱে ৮টা উইকেট হেৰুৱাই ৩৭১ ৰান সংগ্ৰহ কৰে। অষ্ট্ৰেলিয়াৰ হৈ জৰ্জিয়া উল আৰু এলিছ পেৰীয়ে উজ্জ্বল শতক অৰ্জন কৰি নিজৰ দলটোক শক্তিশালী স্থানত ৰাখে। ইয়াৰ প্ৰত্যুত্তৰত ভাৰতীয় দলটোৱে কেউটা উইকেট হেৰুাৱই ২৪৯ ৰানহে সংগ্ৰহ কৰিবলৈ সক্ষম হয়। যাৰ ফলত শৃংখলা হেৰুৱাব লগা হয় ভাৰতীয় মহিলা দলটো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
