পেজাৰ, ৱাকিটকিৰ পাছত এইবাৰ মোবাইল৷ লেবাননত বিস্ফোৰণ হৈছে এইবাৰ মোবাইলো৷ একেলগে বহু মানুহৰ মোবাইল বিস্ফোৰণ হৈছে বুলি প্ৰকাশ পাইছে খবৰ৷ ঘটনাত এই পৰ্যন্ত ৩২ গৰাকী লোকৰ মৃত্যু হৈছে৷ আহত ৩০০ৰো অধিক মানুহ৷ এই বিস্ফোৰণৰ আঁৰত ইজৰাইলকেই দায়ী কৰিছে হিজবুল্লাহে৷ আৰু ক’ত ক’ত এই বিস্ফোৰক লুকাই ৰখা হৈছে তাক লৈ আতংকৰ সৃষ্টি হৈছে৷
মঙলবাৰে লেবাননৰ ৰাজধানী বেইৰুটসহ একাধিক অঞ্চল কঁপি উঠিছে চিৰিয়েল ব্লাষ্টত৷ সাধাৰণ মানুহে ব্যৱহাৰ কৰা পেজাৰ বিস্ফোৰণ হৈ থাকে৷ ৰাস্তাঘাট-শ্বপিং মলতেই ছিটিকি ছিটিকি পৰিছে ছিন্নভিন্ন হৈ পৰা দেহ৷ একেদৰেই ছিৰিয়াতো এই বিস্ফোৰণ হৈছে৷ পেজাৰ বিস্ফোৰণত বৰ্তমানলৈকে কমেও ১৯গৰাকী লোকৰ মৃত্যু হোৱাৰ লগতে আহতৰ সংখ্যা ৪হাজাৰলৈ বৃদ্ধি পাইছে৷ এই আক্ৰমণৰ আঁৰত ইজৰাইলৰেই হাত আছে বুলি দাবী কৰিছে লেবাননে৷
বিগত বুধবাৰে যেতিয়া বিস্ফোৰণত হিজবুল্লাৰ সদস্যসকলৰ শেষকৃত্য চলিছে৷ সেই সময়তেই ৱাকি-টকি আৰু মোবাইল ফোনৰো বিস্ফোৰণ হয়৷ বেইৰুটসহ দক্ষিণ লেবানন জুৰি বিস্ফোৰণ হৈছে৷ একেলগে পেজাৰ বিস্ফোৰণ হৈছিল, ঠিক তেনেকৈয়ে ৱাকি টকি আৰু মোবাইল বিস্ফোৰণ হ’ব পাৰে৷ সঠিক সংখ্যা জনা নগলেও প্ৰায় শতাধিক ৱাকি-টকি বিস্ফোৰণ হৈছে বুলি জনা গৈছে৷
গোপন সূত্ৰই জনোৱামতে ইজৰাইলৰ গুপ্তচৰ বাহিনী মোছাদ এই আক্ৰমণৰ আঁৰত আছে৷ টাইৱানত যেনেকৈ পেজাৰসমূহ তৈয়াৰৰ অৰ্ডাৰ দিয়া হৈছিলস বিগত ৫মাহৰ পূৰ্বে মোছাদলৈ গৈ পেজাৰৰ মাজত বিস্ফোৰক যুক্ত বিশেষ চিপ ভৰাই আহিছিল, যি কোডৰ জৰিয়তে এক্টিভ কৰা হয়৷ এই কোড দি একেলগে সমস্ত পেজাৰ বিস্ফোৰণ কৰা হয়৷
সূত্ৰৰ খবৰ অনুসৰি ঠিক একে সময়তে লেবাননেও, ৱাকিটকি আৰু লেণ্ডলাইন টেলিফোন ক্ৰয় কৰিছিল টাইৱানৰ পৰা৷ সেইসমূহো বিস্ফোৰণ হৈছে৷ ইজৰাইলৰ এই আক্ৰমণৰ ওলোটা প্ৰত্তুত্ত্যৰ দিয়াৰ হুংকাৰ দিছে লেবাননৰ হিজবু্ল্লা গোষ্ঠী৷ ইতিমধ্যেই তেওঁলোকৰ ইজৰাইলৰ সামৰিক ঘাঁটিত ৰকেট আক্ৰমণ চলোৱা বুলিও এক সূত্ৰই প্ৰকাশ কৰিছে৷ যুদ্ধৰ অভিঘাত আৰু বাঢ়িব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
