দুখনকৈ বিয়া পতাৰ পাছতো নিজতকৈ ১৩ বছৰে সৰু অভিনেত্ৰীৰ সৈতে প্ৰেম, আজি পৰ্যন্ত অন্যৰ সৈতে বিয়াত নবহিল অভিনেত্ৰী
দক্ষিণ চিনেমাৰ পৰা হিন্দী চিনেমালৈ অভিনয়ৰ দক্ষতা বিয়পোৱা নাগাৰ্জুন আক্কিনেনী কাইলৈ ২৯ আগষ্টত ৬৫ বছৰ সম্পূৰ্ণ কৰিবলৈ ওলাইছে। ১৯৫৯ চনৰ ২৯ আগষ্টত তামিলনাডুৰ ৰাজধানী চেন্নাইত জন্ম গ্ৰহন কৰা নাগাৰ্জুনে নিজৰ কেৰিয়াৰত বহু ছবিত কাম কৰিছে, বহু হিট ছবি দিযে দৰ্শকক।
নাগাৰ্জুনে নিজৰ ছবি আৰু অভিনয়ৰ লগতে ব্যক্তিগত জীৱনৰ বাবেো বাতৰিৰ শিৰোনাম দখল কৰি আহিছে। অভিনেতাগৰাকীয়ে দুবাৰকৈ বিবাহপাশত আবদ্ধ হৈছে। কিন্তু ইয়াৰ পিছতো বলীউডৰ এগৰাকী বিখ্যাত অভিনেত্ৰীৰ সৈতে তেওঁৰ দীৰ্ঘদিনীয়া প্ৰেম আছিল। অৱশ্যে পিছত দুয়োজনৰ বিচ্ছেদ ঘটে। কিন্তু সেই প্ৰেমৰ বাবেই আজি পৰ্যন্ত ৫২ বছৰ বয়সতো অবিবাহিত অভিনেত্ৰীগৰাকী।
১৯৮৪ চনত নগাৰ্জুনে প্ৰথমবাৰৰ বাবে লক্ষ্মী দগ্গুৱতীক বিয়া কৰাযইছিল। তেতিয়া নাগাৰ্জুনৰ বয়স আছিল ২৫ বছৰ। লক্ষ্মীৰ পিতৃ ডি ৰমনৈডু আৰু নাগাৰ্জুনৰ পিতৃ নাগেশ্বৰ ৰাও ভাল বন্ধু আছিল। পৰিয়ালৰ সেই বন্ধুত্বৰ বাবেই নাগাৰ্জুন আৰু লক্ষ্মীৰ বিবাহ হৈছিল। কিন্তু নাগাৰ্জুন আৰু লক্ষ্মীৰ বিবাহ বেছি দিন নাথাকিল। বিবাহৰ ৬ বছৰৰ পাছত ১৯৯০ চনত বিবাহ বিচ্ছেদ লৈ দুয়ো বেলেগ হৈ পৰে। প্ৰথম পত্নীৰ ফালৰ পৰাই জন্ম হৈছিল নগা চৈতন্যৰ।
লক্ষ্মীৰ পৰা বিচ্ছেদ হোৱাৰ মাত্ৰ দুবছৰৰ পাছত ১৯৯২ চনত নাগাৰ্জুনে অমলা আক্কিনেনীৰ সৈতে দ্বিতীয়বাৰৰ বাবে বিবাহপাশত আবদ্ধ হয়। বিবাহৰ পিছত নাগাৰ্জুন আৰু অমলা অখিল আকিনেনীৰ পিতৃ-মাতৃ হয়। কিন্তু এই দুই বিবাহ সত্ত্বেও নাগাৰ্জুনে বলীউডৰ বিখ্যাত অভিনেত্ৰী টাবুৰ প্ৰতি দুৰ্বল হৈ পৰে।
একেলগে কেইবাখনো ছবিত কাম কৰি নাগাৰ্জুন আৰু টাবুৰ তেনেদৰেই প্ৰেম আৰম্ভ হৈছিল। ইজনে সিজনক ১০ বছৰ ধৰি ডেটিং কৰিছিল। এফালে প্ৰেমিকা থকাৰ পাছতো কিন্তু নাগাৰ্জুনে পত্নী অমলাক বিবাহ বিচ্ছেদ দিবলৈ সাজু নাছিল, যাৰ বাবে টাবু আৰু নাগাৰ্জুনৰ পিছত প্ৰেমৰ বিচ্ছেদ ঘটে।
অৱশ্যে টাবু বা নাগাৰ্জুন দুয়োৰে সম্পৰ্কৰ বিষয়ে কেতিয়াও কোনোদিনে কতো একো প্ৰকাশ কৰা নাছিল। উল্লেখ্য যে আজিও ৫২ বছৰ বয়সত টাবুৱে অকলশৰীয়াকৈ জীৱন কটাই আছে। যাৰ বাবে বহুতেই কয়, নাৰ্গাজুনৰ বাবেই অকলশৰে থাকি গ’ল টাবু।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
