পুনৰ হ্ৰাস পালে সোণ-ৰূপৰ মূল্য, ১৩৫ টকালৈ হ্ৰাস ১ গ্ৰাম সোণত
উৎসৱৰ বতৰ শেষ হোৱাৰ লগে লগে ভাৰতত আৰম্ভ হৈছে বিয়াৰ বতৰ। আহিন মাহৰ পৰা ভাৰতত আৰম্ভ হয় বিয়া। আহিন, আঘোন, মাঘ বিয়াৰ বাবে উত্তম সময়। এই বিয়াৰ বতৰতে আহিছে সোণৰ মূল্যৰ ওপৰত নতুন আপডেট।
মধ্যবিত্ত শ্ৰেণীৰ বাবে অলপ সকাহ। নৱেম্বৰৰ দ্বিতীয় সপ্তাহৰ আৰম্ভণিতে সোণৰ মূল্যত সকাহ। সামান্য হলেও দিনে দিনে হ্ৰাস পাই গৈ আছে সোণ আৰু ৰূপৰ মূল্য।
প্ৰকাশিত তথ্য অনুসৰি গুৱাহাটীত সোণ-ৰূপৰ মূল্য এনেধৰণৰ-
গুৱাহাটীত সোণৰ মূল্য ২২ কেৰেটৰ প্ৰতি গ্ৰামত কালিৰ তুলনাত ১৩৫ টকা হ্ৰাস পাই ৭২২০ টকাৰ পৰা ৭০৮৫ টকা, ১০ গ্ৰামত ৭২,২০০ টকাৰ পৰা ৭০,৮৫০ টকা।
২৪ কেৰেটৰ প্ৰতি গ্ৰামত ১৪৭ টকা হ্ৰাস পাই ৭৮৭৬ টকাৰ পৰা ৭৭২৯ টকা, ১০ গ্ৰামত ৭৮,৭৬০ টকাৰ পৰা ৭৭২৯০ টকা হৈছে।
১৮ কেৰেটৰ প্ৰতি গ্ৰামত ১১০ টকা হ্ৰাস পাই ৫৯০৭ টকাৰ পৰা ৫৭৯৭ হৈছে, ১০ গ্ৰামত ৫৯,০৭০ টকাৰ পৰা ৫৭৯৭৯ হৈছে।
ৰূপৰ ক্ষেত্ৰত প্ৰতি গ্ৰামত ২ টকা হ্ৰাস পাই প্ৰতি গ্ৰামত ৯১ টকা হৈছে। ১০ গ্ৰামত ২০ টকা হ্ৰাসেৰে ৯১০ টকা হৈছে। লগতে এক কেজিৰ দাম ২০০০ টকা হ্ৰাস পাই ৯১,০০০ হাজাৰ টকা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
