লণ্ডনত থকা পুত্ৰৰ কাষলৈ গৈছিল৷ সেই সূত্ৰেই প্ৰথমবাৰ বিমানত উঠিছিল দুয়ো৷ কিন্তু প্ৰথম যাত্ৰাই জীৱনৰ শেষ যাত্ৰা হ’ল দম্পতিৰ৷ মাত্ৰ ৩০ ছেকেণ্ডতেই সকলো শেষ৷ লণ্ডনলৈ আৰু কাহানিও নাযায় বৃদ্ধ দম্পতি৷ অভিশপ্ত বিমানতেই শেষ হৈ গল দুয়োৰে জীৱন৷ গুজৰাটৰ সৰস্বতী নগৰৰ বাসিন্দা মহাদেৱভাই টুকাৰাম পাৱাৰ আৰু আশাবেন৷ আনন্দেৰে বৃদ্ধ দম্পতিহাল প্ৰথমবাৰ বিমানত উঠিছিল৷ বিমানত উঠিয়েই ভিডিঅ’ কল কৰিছিল পুত্ৰক৷ কেইবাখনো ছেলফিও তুলিছিল৷ কিন্তু যাত্ৰা আৰম্ভৰ মাত্ৰ ৩০ ছেকেণ্ডতেই সকলো শেষ৷ চিৰদিনৰ বাবে পৃথিৱীৰ পৰা বিদায় ললে দম্পতিহালে৷
আহমেদাবাদৰ এই দুৰ্ঘটনাৰ খবৰ পোৱা মাত্ৰকেই শোকত ভাঙি পৰিছে পুত্ৰ৷ কান্দি কান্দি পুত্ৰই কয়, ‘মোৰ কবলৈ কোনো ভাষাই নাই৷ মনত এতিয়াও এটা কথাই আহি আছে দেউতাই মোক ফোন কৰিব৷ তেওঁলোকৰ স্মৃতি হিচাপে শেষ মুহূৰ্তত তোলা ছবি কেইখনেই মোৰ হাতত ৰৈ গল৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
