অসম লাইভ২৪ঃ কথাতেই কয় ‘জন্ম, মৃত্যু, বিবাহ বিধাতাৰেই লিখন!’ অৰ্থাৎ আপোনাৰ মোৰ জীৱনত ঘটা এই তিনিটা ঘটনাৰ ওপৰত আমাৰ কোনো হাত নাই। বিধাতাই সকলো নিয়ন্ত্ৰণ কৰে। কিন্তু এতিয়া এই বিধাতাৰ লিখন কথাবোৰ সলনি হোৱাৰ পথত। কৃত্ৰিম বুদ্ধিমত্তা চমুকৈAIয়ে আমাৰ বিধাতা হৈ পৰিছে। ডেনমাৰ্কৰ এদল বিজ্ঞানীয়ে দাবী কৰিছে যে, AIয়ে শেহতীয়াকৈ তৈয়াৰ কৰিছে ‘ডেথ কেলকুলেটৰ’। ইয়াৰ মাধ্যমেৰে জীৱনকালতেই মানুহে জানিব পাৰিব নিজৰ মৃত্যুৰ কথা। কিন্তু এয়া সঁচাকৈয়ে সম্ভৱনে?
সামাজিক মাধ্যমত চলি থকা চৰ্চামতে, বহু ক্ষেত্ৰতেই চকুৰ সন্মুখতে অসম্ভৱক সম্ভৱ কৰি তুলিছে AIয়ে। এই অত্যাধুনিক এপে অদূৰ ভৱিষ্যতে যিকোনো মানুহকেই বেকাৰ কৰি তুলিব পাৰে। আপুনি মই কৰি থকা সকলো কামেই নিমিষতে কৰি পেলাই AIয়ে। AIৰ বাঢ়ি অহা জনপ্ৰিয়তাই এইবাৰ আনিছে আন এক খবৰ। বিজ্ঞানীয়ে দাবী কৰিছে যে এই প্ৰযুক্তিয়ে ছাটজিপিটিৰ প্ৰযুক্তি ব্যৱহাৰ কৰিয়েই ডেথ কেলকুলেটৰ আনিছে।
ডেথ কেলকুলেটৰে কেনেকৈ কাম কৰিব?
ব্যক্তিৰ উপাৰ্জন, কামৰ ধৰণ, বাসস্তান, শাৰীৰিক পৰিস্থিতি সম্পৰ্কে একাধিক প্রশ্ন এই ডেথ কেলকুলেটৰক কৰা হ’ব। যাৱতীয় খুঁটিনাটি, তথ্য বিশ্লেষণ কৰি মৃত্যুৰ সাম্ভাৱ্য দিন নিৰ্ধাৰণ কৰিব এই প্ৰযুক্তিয়ে। বিজ্ঞানীৰ দাবী, এই প্ৰযুক্তিয়ে ৭৮ শতাংশ সত্য তথ্য ব্যক্তিক দিব। দীৰ্ঘ গৱেষণাৰ ফচল এই ডেথ কেলকুলেটৰ। ২০০৮ চনৰ পৰা ২০২০ চন পৰ্যন্ত নতুন যন্ত্ৰৰে পৰীক্ষা নিৰীক্ষা চলোৱা হৈছে। ১২ বছৰত ডেনমাৰ্কৰ ৬০ লাখ নাগৰিকৰ ওপৰত এই যন্ত্ৰ পৰীক্ষা কৰা হৈছে। ৬০ লাখ ব্যক্তিৰ জীৱন পৰিক্ৰমাৰ তথ্য প্ৰায় শুদ্ধকৈয়ে দিছে ডেথ কেলকুলেটৰে। এই ডেথ কেলকুলেটৰক লৈ সেয়ে আত্মবিশ্বাসী হৈ পৰিছে ডেনমাৰ্কৰ বিজ্ঞানী। যদি এই যন্ত্ৰক সমগ্ৰ বিশ্বই স্বীকৃতি দিয়ে তেন্তে বেকাৰ হৈ পৰিব সকলো জ্যোতিষবীদেই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
