অসম লাইভ ২৪ঃ ৰাজ্য চৰকাৰৰ হেমাহি আৰু অকৰ্মন্যতাৰ বাবেই বুধবাৰে মাজুলীত সংঘটিত হয় এক অতি মৰ্মান্তিক ঘটনা৷ নিমাতীঘাটৰ ভয়ংকৰ নাও দুৰ্ঘটনাক লৈ সাংসদ অজিত কুমাৰ ভূঞাই ব্যক্ত কৰিলে প্ৰতিক্ৰিয়া৷ এই ঘটনাৰ বাবে চৰকাৰক জগৰীয়া কৰে সাংসদগৰাকীয়ে৷ লগতে ব্ৰহ্মপুত্ৰত চলা ফেৰীসমূহৰ মান পৰিমাপ কৰা হয় নে নহয় এই সন্দৰ্ভত মন্ত্ৰী চন্দ্ৰমোহন পাটোৱাৰীক জবাবদিহী কৰাৰ দাবী জনায় অজিত কুমাৰ ভূঞাই৷ পৰিবহণ মন্ত্ৰী চন্দ্ৰমোহন পাটোৱাৰীৰ অকৰ্মণ্যতাক সমালোচনা৷ ইয়াৰোপৰি, ৰোপেক্স আৰু ৰো ৰো জাহাজসমূহ চলাচল সন্দৰ্ভত প্ৰশ্ন উত্থাপন কৰে সাংসদগৰাকীয়ে৷ অত্যাধুনিক জাহাজসমূহ সজাই থোৱাৰ অভিযোগ সাংসদগৰাকীৰ৷ ইফালে দুবাৰকৈ আধাৰশিলা স্থাপন কৰিও আজিপৰ্যন্ত দলঙৰ কাম নোহোৱা সন্দৰ্ভত প্ৰধানমন্ত্ৰী নৰেন্দ্ৰ মোদীলৈ তীক্ষ্ণ বাক্যবাণ অজিত ভূঞাৰ৷ কেৱল সজাই থ’বৰ বাবেই ক্ৰয় কৰা হৈছিল নেকি এই অত্যাধুনিক জাহাজসমূহ? দলঙৰ আধাৰশিলাতেই বাৰে বাৰে দায়িত্ব সামৰে কিয় চৰকাৰে? বৰ্তমানেও সন্ধানহীন হৈ আছে নাও দুৰ্ঘটনাত পতিত হোৱা দুগৰাকীকৈ যাত্ৰী৷ এই শোকাৱহ দুৰ্ঘটনাত মৃত্যুক আঁকোৱালি মাজুলীৰ ৰঙাচাহী কলেজৰ সহকাৰী অধ্যাপিকা পৰিমিতা দাসে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
