পঞ্জাৱ নেচনেল বেংকত আপোনাৰ একাউণ্ট আছে নেকি? তেন্তে আপোনাৰ বাবে এটা গুৰুত্বপূৰ্ণ খবৰ। অহা মাহৰ পৰা অৰ্থাৎ ছেপ্টেম্বৰৰ পৰা বহু গ্ৰাহকৰ বেংক একাউণ্ট বন্ধ হৈ যাব। কাৰ একাউণ্ট বন্ধ হ’ব?
পঞ্জাৱ নেশ্যনেল বেংকে ছ’চিয়েল মিডিয়া পোষ্টযোগে ঘোষণা কৰিছে যে অহা মাহৰ পৰা কেইবাটাও বেংক একাউণ্ট বন্ধ হ’ব। ১৩ ছেপ্টেম্বৰৰ ভিতৰত এই একাউণ্টসমূহ বন্ধ হ’ব।এই সিদ্ধান্ত মূলতঃ বেংক একাউণ্টৰ অপব্যৱহাৰ ৰোধৰ বাবে লোৱা হৈছে।
কোনবোৰ একাউণ্ট বন্ধ হ’ব?
তিনি বছৰতকৈ অধিক সময় নিষ্ক্ৰিয় হৈ থকা বেংক একাউণ্ট বন্ধ থাকিব বুলি পিএনবিয়ে জনাইছে। অৰ্থাৎ যোৱা তিনি বছৰতকৈ অধিক সময় গ্ৰাহকে কোনো ধৰণৰ লেনদেন নকৰা একাউণ্ট বন্ধ থাকিব। ইয়াৰ উপৰিও ৩০ জুনলৈকে শূন্য বেলেঞ্চ থকা একাউণ্টসমূহো বন্ধ কৰা হ’ব।
একাউণ্টটো সক্ৰিয় কৰি ৰাখিবলৈ কি কৰিব?
যদি কোনো গ্ৰাহকে নিজৰ পিএনবি একাউণ্ট সক্ৰিয় কৰি ৰাখিব বিচাৰে তেন্তে তেওঁ নিজৰ বেংক শাখাত গৈ একাউণ্টৰ বৰ্তমানৰ অৱস্থা পৰীক্ষা কৰিব লাগিব। ইয়াৰ পিছত তেওঁ কে ৱাই চি আপডেট কৰিব লাগিব। একাউণ্টটো সক্ৰিয় কৰি ৰাখিবলৈ তেওঁ ১৩ ছেপ্টেম্বৰ বা তাৰ আগতে বেংকলৈ গৈ কে ৱাই চি জমা দিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
