অসম লাইভ২৪ঃ নাতিনী নব্যা নাভেলি নন্দাই আয়োজন কৰা এটা বিশেষ অনুষ্ঠানত উপস্থিত হৈছিল বচ্চন পৰিয়ালৰ সমূহ সদস্য৷ ৰাজ্যসভাৰ সাংসদ তথা অভিনেত্ৰী জয়া বচ্চনো সেই অনুষ্ঠানত উপস্থিত হৈ কৰা এটা বিশেষ মন্তব্য এতিয়া ভাইৰেল হৈ পৰিছে নেট দুনীয়াত৷ খঙাল জয়াই নৰম স্বৰত প্ৰথমবাৰৰ বাবে ক’লে প্ৰেমৰ কথা৷
অমিতাভৰ সৈতে চলা প্ৰেমৰ কথা প্ৰথমবাৰৰ বাবে জয়াই ক’লে৷ বিগবী অমিতাভৰ সৈতে জয়াৰ প্ৰেম বিবাহেই হৈছিল সেই কথাও অকপটে স্বীকাৰ কৰিছে জয়াই৷ বিয়াৰ পূৰ্বে প্ৰেয়সী হৈ থাকোতেই অমিতাভে জয়াক দিছিল কেইটামান বিশেষ চৰ্ত৷ সেই চৰ্ত আজিকোপতি মানি আহিছে বিগবীৰ পত্নী জয়াই৷ বিয়াৰ পাছত প্ৰতি দিনে নিশা ৯ বজাৰ পৰা পুৱা ৫ বজালৈ ক’তো শ্বুটিং বা অন্যান্য কাম ৰাখিব নোৱাৰিব জয়াই৷ বিবাহৰ পাছত কাম এৰিবলৈ কোৱা নাছিল যদিও এই স্বৰ্ত বান্ধি দিছিল অমিতাভ বচ্চনে৷
জয়াই এই সম্পৰ্কে মত প্ৰকাশ কৰি কয়, ‘আমি প্ৰথমে ভাৱিছিলো আমি অক্টোবৰত বিয়া কৰাম। কাৰণ সেই সময়ত দুয়োৰে কামৰ চাপ কম থাকে। কিন্তু অমিতাভে জনাই যে বিয়াৰ পাছত মই সদায়ে কাম কৰাটো তেওঁ পছন্দ নকৰে।’ বিয়াৰ পাছত চিনেমাত কাম কৰিবলৈ অমিতাভে পৰামৰ্শ দিয়ে যদিও লগতে কয় তেওঁ যাতে ভাল পৰিচালকৰ ছবিতহে চাইন কৰে। ১৯৭৩ চনৰ ৩ জুনত দুয়ো অনুষ্ঠুপীয়াকৈয়ে বিবাহ কাৰ্য সমাপম কৰে। এই জনপ্ৰিয় দম্পত্তিহালে বৰ্তমানলৈ একেলগে ৪৯ টা বসন্ত অতিক্ৰম কৰিছে।
ইপিনে ২০১৪ চনত ৰাষ্ট্ৰীয় এক সংবাদমাধ্যমৰ আগত অমিতাভ বচ্চনে কৈছিল, ‘মই জয়াক সন্মান কৰো। বিয়াৰ পাছত জয়াই চিনেমাতকৈ মোৰ সংসাৰখন ধৰি ৰখাতহে বেছি মনোযোগ দিলে। এনেকুৱাও নহয় যে মই জয়াক চিনেমাজগত সম্পূৰ্ণ বাদেই দিয়া বুলি কৈছিলো। কিন্তু জয়াই নিজেই এই সিদ্ধান্ত গ্ৰহণ কৰে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
