অসম লাইভ২৪ঃ বিগত কেইবামাহ ধৰি বলীউডত ব্যাপকভাৱে চৰ্চা লাভ কৰিছে এটা বিষয়েই৷ বচ্চন পৰিয়ালত ফাঁট মেলিছে৷ মূলত ঐশ্বৰ্য ৰায় বচ্চনৰ সৈতে দূৰত্ব বাঢ়িছে বচ্চন পৰিয়ালৰ প্ৰতিজন সদস্যৰ৷ চলিত মাহৰ প্ৰথমভাগত নিজৰ ৫০তম জন্মদিনত অকলেই কেক কাঁটি জন্মদিন পালন কৰিছে প্ৰাক্তন বিশ্বসুন্দৰী ঐশ্বৰ্য ৰায় বচ্চনে৷ ১ নৱেম্বৰত তেওঁৰ কাষত নাছিল স্বামী অভিষেক বচ্চনো৷
কন্যা আৰাধ্যা বচ্চন আৰু মাতৃ বৃন্দা ৰায়ৰ সৈতে নিজৰ বিশেষ দিনটো উদযাপন কৰিছিল ঐশ্বৰ্য ৰায়ে৷ দায়সৰাভাৱেই শুভেচ্ছাবাৰ্তা প্ৰেৰণ কৰিছিল অভিষেক বচ্চনে৷ ঐশ্বৰ্যৰ জন্মদিনত বচ্চন পৰিয়ালৰ অন্যান্য সদস্যসকলৰ ভিতৰত কোনে এজনেই শুভেচ্ছা জনোৱা নাছিল ঐশ্বৰ্যক৷ ঐশ্বৰ্যৰ পাছতেই এইবাৰ অভিষেক-ঐশ্বৰ্যৰ কন্যা আৰাধ্যাৰ ওপজা দিন৷ বোৱাৰীয়েকক শুভেচ্ছা নজনোৱাকলৈ কথাবোৰ ইমানো চৰ্চা হোৱা নাছিল যিমান আৰাধ্যাৰ বাৰ্থডেত শুভেচ্ছা নজনোৱাকলৈ হৈছে৷ নাতিনীৰ ওপজা দিনত বচ্চন পৰিয়ালৰ কোনো এজন সদস্যই শুভেচ্ছা জনোৱা নাই৷
সামাজিক মাধ্যমত প্ৰায়েই সক্ৰিয় হৈ থকা অমিতাভ বচ্চনেও শুভেচ্ছা জনোৱা নাই নাতিনী আৰাধ্যক৷ বিশ্বকাপক লৈ তেওঁ প্ৰতিদিনেই বিভিন্ন পোষ্ট শ্বেয়াৰ কৰিলেও নাতিনীক লৈ এটাও পোষ্ট শ্বেয়াৰ কৰা নাই৷ সামাজিক মাধ্যমত শুভেচ্ছা নজনোৱাক লৈ সমালোচনা চলিলেও একাংশই কৈছে সামাজিক মাধ্যমেই সৰ্বচ্চ নহয়৷ আৰাধ্যা অমিতাভ বচ্চনৰ খুবেই মৰমৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
