বলিউদৰ যৌনতা উৎপীড়ন তথা ইংগিতৰ পৰা হেৰাই নেপালে বলীউডৰ তাৰকা চংকী পাণ্ডেৰ কন্যা তথা অভিনেত্ৰী অনন্যা পাণ্ডেই৷ ষ্টাৰকীড হৈও নিজৰ প্ৰচেষ্টা তথা অধ্যবয়াসৰ বলত বলিউদত প্ৰতিষ্ঠা লাভ কৰা অনন্যা পাণ্ডেই নিজেই এই কথা প্ৰকাশ কৰিছে৷ নিজ প্ৰয়াসেৰে বলীউডত প্ৰতিষ্ঠা লাভ কৰিবলৈ সক্ষম হোৱা অনন্যাৰ লক্ষ লক্ষ অনুৰাগীও সৃষ্টি কৰাত সফল হৈছে৷
অনন্যাই অলপতে এটা টক শ্ব’ত দিয়া সাক্ষাৎকাৰৰ সময়ত কৈছিল যে বলীউডত এতিয়াও বহুত কেজুৱেল চেক্সিজম চলি আছে যিটো কাৰোবাৰ বাবে এৰাই চলাটো অতি কঠিন। অনন্যাই কয় যে যেতিয়া তেওঁ উদ্যোগটোত প্ৰৱেশ কৰিছিল তেতিয়া তেওঁ এনে বহু কথাৰ সন্মুখীন হ’বলগীয়া হৈছিল।
নিজৰ প্ৰাৰম্ভিক দিনবোৰ মনত পেলাই অনন্যাই কয়, “মই কাম আৰম্ভ কৰাৰ লগে লগে মানুহে মোক ক’বলৈ ধৰিলে যে ‘তুমি এইটো ঠিক কৰি ল’ব লাগে, সেইটো ঠিক কৰিব লাগে। বক্ষ জব এটা লোৱা বা মুখত কিছু পৰিৱৰ্তন কৰা৷’ আৰু এই সকলোবোৰ প্ৰায়ে ইমানেই আকস্মিক আৰু পৰোক্ষভাৱে কোৱা হয় যে আপুনি বুজিও নাপায়৷ আন কিছুমানে কৈছিল ‘কিছু ওজন বৃদ্ধি কৰা, শৰীৰটো অলপ ভৰাই দিয়া’।
লগতে পঢ়ক লিভাৰ চিৰ’ছিচ ৰোগীৰ খাদ্য আৰু পৰিপুষ্টি
অনন্যাই নিজেই এই প্ৰশ্নটো আৰু উত্থাপন কৰি লগতে কয়, ‘‘মানুহে কেৱল এইটো কথাতে কিয় গুৰুত্ব দিয়ে? মোৰ পৰিচয় কেৱল মোৰ শৰীৰত নেকি? মোৰ ব্যক্তিত্বত মোৰ কঁকালৰ আকাৰ বা স্তনৰ আকাৰৰ বাহিৰে আন একো বিশেষ একো নাই নেকি? কাৰোবাৰ লগত আপুনি কৰিব পৰা আটাইতকৈ বেয়া কামটো হ’ল তেওঁৰ শৰীৰৰ বাবে বিচাৰ কৰা।’’
অনন্যাই লগতে প্ৰকাশ কৰে যে কেনেকৈ ধৰ্ম প্ৰডাকচনৰ ষ্টুডেণ্ট অৱ দ্য ইয়েৰ ২ৰ পৰা তেওঁৰ সপোন মুকলি কৰাৰ পিছতো তেওঁক উদ্যোগটোত কাম কৰাৰ কোনো নিশ্চয়তা লাভ কৰা নাছিল। আনকি তেওঁক চিনি পোৱা লোকসকলেও তেওঁৰ কামৰ বিষয়ে কোনো প্ৰতিশ্ৰুতি দিয়া নাছিল।
লগতে পঢ়ক কংগ্ৰেছত নাথাকিব মুছলমানৰ ৰাজনীতি! অচিৰেই বিতাড়িত হ’ব জ্যেষ্ঠ কংগ্ৰেছী!
অনন্যাই কয় যে ‘‘মোক কোনো প্ৰতিশ্ৰুতি দিয়া হোৱা নাছিল বা মোক সুযোগ দিয়াৰ কথাও কোৱা হোৱা নাছিল।’’ সদায় অভিনেতা হোৱাৰ ইচ্ছা আছিল যদিও মই কেনেকৈ কৰিব পাৰিম নাজানিছিলো। যদিও মই সদায় জানিছিলোঁ যে ই সহজ নহ’ব।
অনন্যাক শেষবাৰৰ বাবে দেখা গৈছিল শকুণ বত্ৰৰ ‘গেহৰাইয়ান’ত দীপিকা পাডুকন, সিদ্ধান্ত চতুৰ্বেদী আৰু ধৈৰ্য কৰোৱাৰ সৈতে। ছবিখনে দৰ্শক আৰু সমালোচকৰ পৰা মিশ্ৰিত সঁহাৰি লাভ কৰিছিল যদিও ছবিখনত অনন্যাৰ কাম-কাজৰ অত্যন্ত শলাগ লোৱা দেখা গৈছিল। অনন্যাক অতি সোনকালেই দেখা যাব ধৰ্ম প্ৰডাকচনৰ লাইগাৰত বিজয় দেৱেৰাকোণ্ডাৰ বিপৰীতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
