বাংলাদেশ মন্দিৰত হাত ভৰি বন্ধা অৱস্থাত এগৰাকী পুৰোহিতৰ নিথৰ দেহ উদ্ধাৰ
বাংলাদেশত অব্যাহত আছে হিন্দু আৰু ধৰ্মীয় সংখ্যালঘুৰ ওপৰত অত্যাচাৰ। এইবাৰ নাটৰৰ কাশিমপুৰ কেন্দ্ৰীয় শ্মশানত মন্দিৰ পৰিচাৰক তৰুণচন্দ্ৰ দাসক নৃশংসভাৱে হত্যা কৰাৰ অভিযোগ উত্থাপন হৈছে। লগতে মন্দিৰৰ মূল্যবান সামগ্ৰীয়ো লুট কৰা বুলিও অভিযোগ উত্থাপন হৈছে।
অভিযোগ অনুসৰি শ্বেখ হাছিনাৰ চৰকাৰ পতনৰ পিছৰে পৰা ভাৰতৰ চুবুৰীয়া দেশ খনত হিন্দুসকলক অবিৰতভাৱে অত্যাচাৰ আৰু হত্যা কৰাৰ খবৰ আহি আছে। দেশখনত থকা অন্তৱৰ্তীকালীন চৰকাৰখনে ধৰ্মীয় সংখ্যালঘুসকলক সুৰক্ষা প্ৰদান কৰাত ব্যৰ্থ হোৱা বুলিও বহু লোকে মন্তব্য কৰি আছে।
শনিবাৰে খবৰ আহিছিল যে বিগত ৪৮ ঘণ্টাত মইমনচিং, দিনাজপুৰ আৰু নাট’ৰেৰ বিভিন্ন মন্দিৰ আৰু ধৰ্মীয় অনুষ্ঠানত আক্রমণ হৈছে৷ ইয়াৰ পিছতে পোহৰলৈ আহে শ্মশান মন্দিৰৰ পূৰোহিত তৰুণ চন্দ্ৰ দাসক হত্যা কৰাৰ খবৰ। লগতে হাত ভৰি বান্ধি থোৱা অৱস্থাত মৃতদেহ উদ্ধাৰ হোৱাৰ খবৰ সদৰি।
কিন্তু বাংলাদেশ আৰক্ষীয়ে দাবী কৰিছে যে এয়া এক ডকাইতি কাণ্ড। পাছে তাত থকা হিন্দু সকলৰ মন্তব্য এয়া ডকাইতিৰ লগতে হক্যাৰ ঘটনা। এই হিংসাৰ ঘটনাই কেৱল হিন্দুক লক্ষ্য কৰি লৈছে।
শুকুৰবাৰে ভাৰতৰ বৈদেশিক পৰিক্ৰমা মন্ত্ৰালয়ে প্ৰকাশ কৰে যে বাংলাদেশত চলিত বৰ্ষত হিন্দুৰ বিৰুদ্ধে ২২০০টা হিংসাৰ ঘটনা সংঘটিত হৈছে। এই আক্ৰমণক লৈ উদ্বেগ প্ৰকাশ কৰিছে বৈদেশিক পৰিক্ৰমা মন্ত্ৰালয়ে। অৱশ্যে ইউনুছৰ প্ৰেছ উইঙে এই তথ্যক ‘বিভ্ৰান্তিকৰ আৰু অতিৰঞ্জিত’ বুলি অভিহিত কৰিছে। তেওঁলোকে কয় যে চলিত বৰ্ষৰ নৱেম্বৰ পৰ্যন্ত ধৰ্মীয় সংখ্যালঘুৰ বিৰুদ্ধে ১৩৮টা হিংসাৰ ঘটনা সংঘটিত হৈছে। খবৰ অনুসৰি, অন্তৱৰ্তীকালীন চৰকাৰে প্ৰতিটো ঘটনাৰ তদন্ত কৰি দোষীক ন্যায়ৰ কাষ চাপিবলৈ প্ৰতিশ্ৰুতিবদ্ধ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
