হিন্দুধৰ্মত অপৰাজিতা ফুলৰ বিশেষ মাহাত্ম্য আছে৷ এই ফুল দেখাত যেনেকৈ সুন্দৰ তেনেকৈ শুভ শক্তিৰো প্ৰতীক৷ অপৰাজিতা ফুলত দেৱী দুৰ্গাই বাস কৰে বুলি কোৱা হয়৷ মা দুৰ্গাৰ ওপৰিও মা লক্ষ্মী, শ্ৰী বিষ্ণু আৰু শনিদেৱৰ পূজাতো অপৰাজিতা ফুল ব্যৱহাৰ কৰা হয়৷ ঘৰত অপৰাজিতাৰ গছ থকাটো বাস্তুমতেও অত্যন্ত শুভ৷ ঘৰৰ কোন দিশত অপৰাজিতা গছ ৰুব বাস্তুশাস্ত্ৰত তাৰ সুনিৰ্দিষ্ট উল্লেখ আছে৷ জানি থওক ঘৰত অপৰাজিতা ফুলৰ গছ ৰোৱাৰ টিপছ৷
অপৰাজিতা গছ ৰোৱাৰ সঠিক দিশ
বাস্তুশাস্ত্ৰ মতে উত্তৰ পূৰ্ব দিশ হৈছে অত্যন্ত শুভ৷ এই দিশত ঈশ্বৰৰ বাস বুলি ধাৰণা কৰা হয়৷ আপুনি নিজৰ ঘৰৰ উত্তৰ পূৰ্ব দিশত অপৰাজিতা ফুলৰ গছ ৰোৱক৷ দেৱতাসকলৰ প্ৰিয় এই গছ উত্তৰ পূৰ্ব দিশত থাকিলে সমগ্ৰ ঘৰতে পজিটিভ এনাৰ্জি বিয়পি পৰে৷ এই দিশত অপৰাজিতা গছ থাকিলে নিগেটিভ এনাৰ্জি দূৰ হয়৷ ঘৰৰ পৰিবেশ শান্ত থাকে৷ ভুলতো ঘৰৰ দক্ষিণ বা পশ্চিম দিশত এই গছ ৰুব নালাগে৷ ইয়াৰ ফলত সংসাৰৰ পৰা সুখ শান্তিয়ে বিদায় লয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
