SIPৰ মাধ্যমেৰে মিউচুৱেল ফাণ্ডত বিনিয়োগ কৰা লোকৰ সংখ্যা বৃদ্ধি পাইছে৷ বৰ্তমান সময়ত SIP বিনিয়োগৰ অন্যতম জনপ্ৰিয় মাধ্যম৷ বহুতেই ইয়াত প্ৰতিমাহে বিনিয়োগ কৰে৷ মিউচুৱেল ফাণ্ড বজাৰৰ সৈতে যুক্ত৷ সেয়ে নিশ্চিত ৰিটাৰ্ণ আশা কৰিব নোৱাৰি৷ বিগত বছৰৰ পৰিসংখ্যাৰ পৰা অনুমান কৰিব পাৰি যে SIPত গড়ে ১২শতাংশ ৰিটাৰ্ণ পোৱা যায়৷
অধিকাংশ ইক্যুইটি ফাণ্ডত ২০২৩ চনৰ ৰিটাৰ্ণ ৫০শতাংশতকৈ বেছি আছিল৷ ভৱিষ্যতে একেই হাৰত ৰিটাৰ্ণ পোৱা যাবনে সেয়া অৱশ্যে গেৰাণ্টিৰ সৈতে কব নোৱাৰি৷ বিগত বছৰ বহু মিউছুৱেল ফাণ্ডে ৪০শতাংশতকৈ বেছি ৰিটাৰ্ণ দিছে৷ মাত্ৰ ৫০০ টকা দি এছ আই পি আৰম্ভ কৰিব পাৰি৷ লেথাৰিকৈ বিনিয়োগ কৰি গলে ২৫ বছৰত কোটি টকাৰ ৰিটাৰ্ণ পাব পাৰে৷ বেছিভাগ মিউচুৱেল ফাণ্ডত নূন্যতম ৫০০ টকা দিয়েই বিনিয়োগ কৰিব পাৰে৷ যদি বিচাৰে বিনিয়োগৰ পৰিমাণ বঢ়াবও পাৰি৷
মিউচুৱেল ফাণ্ড এছ আই পিত প্ৰতিমাহে অলপ অলপকৈ বিনিয়োগ কৰি গলেও ভাল পৰিমাণৰ টকা আপুনি জমা কৰিব পাৰে৷ এছ আই পিৰ মাধ্যমেৰে ১০ লাখ টকা পৰ্যন্ত জমা কৰিব পাৰি৷ ১০ লাখ গোটাবলৈ প্ৰতিমাহে কিমান টকা বিনিয়োগ কৰিব লাগিব?
SIPৰ মাধ্যমেৰে ১০ লাখ টকা কিমান দিনত গোটাব পাৰি?
- কোনোৱে যদি এছ আই পিত প্ৰতিমাহে ১০০০ টকা বিনিয়োগ কৰে তেতিয়া ১০ লাখ টকা গোটাবলৈ আপোনাক ২১ বছৰ সময় লাগিব৷ এই সময়ত বিনিয়োগৰ পৰিমাণ হব ২.৫২ লাখ টকা৷
- কোনোৱে যদি প্ৰতিমাহে এছ আই পিত ২০০০টকাকৈ বিনিয়োগ কৰে তেতিয়া ১০ লাখ টকা জমা কৰিবলৈ ১৬ বছৰ সময় লাগিব৷ এই সময়ত বিনিয়োগৰ পৰিমাণ হব ৩.৮৪ লাখ টকা৷
- কোনোৱে যদি প্ৰতিমাহে এছ আই পিত ৫০০০ টকা বিনিয়োগ কৰে তেন্তে ১০ লাখ টকা জমা কৰিবলৈ তেওঁৰ ১০ বছৰ সময় লাহিব৷ এই সময়ত বিনিয়োগৰ পৰিমাণ হব ৬ লাখ টকা৷মনত ৰাখিব, মিউছুৱেল ফাণ্ড এছ আই পিত কিমান ৰিটাৰ্ণ পোৱা যাব সেয়া বজাৰৰ ওপৰত নিৰ্ভৰ কৰে৷ কোনোৱে যদি দীৰ্ঘ সময় ধৰি নিয়মিত বিনিয়োগ কৰে তেন্তে তেওঁ ভাল ৰিটাৰ্ণ পাবই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
