বলীউডৰ মোহময়ী অভিনেত্ৰী মালাইকা অৰোৰা আৰু অভিনেতা অৰ্জুন কাপুৰৰ সম্পৰ্ক এসময়ত বলীউডৰ চৰ্চিত যুটি আছিল। তেওঁলোকৰ সম্পৰ্ক সদায় আলোচনাৰ কেন্দ্ৰবিন্দু হৈ আহিছে।
৬ বছৰ ধৰি ইজনে সিজনক সমৰ্থন কৰি আহিছে, বয়সৰ বিশাল ব্যৱধান, সামাজিক ঠাট্টা আৰু অহৰহ ট্ৰলিং সহ্য কৰি আহিছে দুয়ো। কিন্তু ২০২৪ চনৰ দীপাৱলীৰ এক অনুষ্ঠানত অৰ্জুন কাপুৰে অবিবাহিত বুলি ঘোষণা কৰাৰ লগে লগে অনুৰাগীসকল স্তম্ভিত হৈ পৰে।
অৰ্জুন আৰু মলাইকাৰ মাজত কি ঘটিছিল সেই লৈ অনুৰাগীৰ মনত বহু প্ৰশ্ন উত্থাপন হৈছিল যে তেওঁলোকে পৃথক হোৱাৰ সিদ্ধান্ত লৈছিল। অৱশ্যে কোনো কাৰণ প্ৰকাশ কৰা হোৱা নাই। দুয়োজনে বিষয়টোৰ ওপৰত কোনো ৰাজহুৱা মন্তব্য নকৰাকৈ আৰু ইজনে সিজনৰ প্ৰতি সন্মান জনাই পৃথক হোৱাৰ সিদ্ধান্ত লয়।
ইফালে দুয়োৰে বিচ্ছেদৰ দুবছৰৰ পাছত অৰ্জুন আৰু মলাইকাৰ বিচ্ছেদৰ আঁৰৰ কাৰণ পোহৰলৈ আহিছে। এটা প’ডকাষ্টত প্ৰবীণ সাংবাদিক ভিকি লালৱানীয়ে এই সম্পৰ্কৰ বিষয়ে কিছু তথ্য প্ৰকাশ কৰে যিবোৰ কোনেও কল্পনা কৰিব নোৱাৰিলেহেঁতেন।
‘হিন্দী ৰাছ’ৰ সৈতে হোৱা এক সাক্ষাৎকাৰত বিকি লালৱানীয়ে স্পষ্ট কৰি দিয়ে যে অৰ্জুন আৰু মলাইকাৰ মাজত কোনো ধৰণৰ প্ৰতাৰণা বা তৃতীয় পক্ষৰ হস্তক্ষেপ হোৱা নাই। ইজনে সিজনক গভীৰভাৱে ভাল পাইছিল। কিন্তু সম্পৰ্কটোক আনুষ্ঠানিক নাম দিয়াৰ ক্ষেত্ৰত তেওঁলোকৰ মতামত সম্পূৰ্ণ বেলেগ আছিল।
মলাইকাই অৰ্জুনক বিয়া কৰাই পৰিয়াল গঢ়িব বিচাৰিছিল। আনহাতে অৰ্জুন কাপুৰ মানসিকভাৱে গাঁঠি বান্ধিবলৈ সাজু নাছিল। তেওঁ নিজৰ ব্যক্তিগত জীৱন আৰু কেৰিয়াৰৰ বাবে অধিক সময় বিচাৰিছিল।
এজনে বিয়া পাতিবলৈ খৰখেদা কৰিছিল আৰু আনজন মানসিকভাৱে তাৰ বাবে অযোগ্য হোৱাৰ বাবে তেওঁলোকৰ সম্পৰ্কত উত্তেজনা বাঢ়িছিল। অৱশেষত দুয়োজনে পাৰস্পৰিক সন্মতিৰে পৃথক হোৱাৰ অতি কঠিন সিদ্ধান্ত ল’লে।
এতিয়া দুয়োজনেই নিজৰ নিজৰ জীৱনত আগবাঢ়িছে। বৰ্তমান অৰ্জুন কাপুৰ অবিবাহিত আৰু সংবাদ মাধ্যমৰ খবৰ অনুসৰি মলাইকাই বৰ্তমান হীৰা ব্যৱসায়ী হৰ্ষ মেহতাৰ লগত ডেটিং কৰি আছে। আমোদজনক কথাটো হ’ল হৰ্ষ মলাইকাতকৈও ১৯ বছৰ সৰু বুলি কোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
