৫০০ টকাৰে পাব ২৫ লাখ টকা, ডাকঘৰৰ এই আঁচনিৰ বিষয়ে জানেনে?

ডাকঘৰৰ জৰিয়তে কেইবাখনো চৰকাৰী সঞ্চয় আঁচনি আছে, যিবোৰৰ নিৰাপদ বিনিয়োগ আৰু উচ্চ লাভৰ বাবে যথেষ্ট জনপ্ৰিয় হৈ পৰিছে। চৰকাৰে এই আঁচনিসমূহত বিনিয়োগৰ ওপৰত আকৰ্ষণীয় সুতৰ হাৰ আগবঢ়াইছে, যাৰ ফলত বিনিয়োগকাৰীসকলে তেওঁলোকৰ সৰু সঞ্চয়ক বৃহৎ পুঁজিলৈ ৰূপান্তৰিত কৰাত সহায় কৰিছে। তেনে এক আঁচনি হ’ল ডাকঘৰৰ RD চেভিঙচ আঁচনি। ইয়াত প্ৰতিদিনে ৫০০ টকা সঞ্চয় কৰিলে ২৫ লাখ টকাৰ পুঁজিৰ সৃষ্টি হ’ব পাৰে আৰু কেৱল সুতৰ পৰাই ৭ লাখতকৈ অধিক টকা উপাৰ্জন কৰিব পাৰি। গোটেই হিচাপটো বুজি লওঁক।

বিনিয়োগৰ ৰিস্ক ‘শূন্য’

আজিকালি সকলোৱে নিজৰ আয়ৰ পৰা কোনোবা নহয় কোনোবাখিনি সঞ্চয় কৰি এনে ঠাইত বিনিয়োগ কৰাৰ পৰিকল্পনা কৰে য’ত তেওঁলোকৰ ধন সুৰক্ষিত হ’ব আৰু ভাল ৰিটাৰ্ণো পাব। সেই হিচাপে ডাকঘৰেৰে পৰিচালিত বিভিন্ন চৰকাৰী সঞ্চয় আঁচনি যথেষ্ট জনপ্ৰিয়। কাৰণ এই আঁচনিসমূহত কৰা যিকোনো সৰু-বৰ বিনিয়োগৰ সুৰক্ষাৰ নিশ্চয়তা চৰকাৰে দিয়ে। অৰ্থাৎ কাৰ্যতঃ সেইবোৰক বিপদমুক্ত বা শূন্য বিপদজনক আঁচনি বুলি গণ্য কৰা হয়।

পূৰ্বে উল্লেখ কৰা অনুসৰি চৰকাৰে ডাকঘৰৰ আঁচনিখনত কেৱল নিৰাপত্তা প্ৰদান কৰাই নহয়, আকৰ্ষণীয় সুতৰ হাৰও আগবঢ়ায়। ডাকঘৰৰ আৰ ডি আঁচনিৰ জৰিয়তে বৰ্তমান ৬.৭ শতাংশ সুত প্ৰদান কৰা হৈছে। এই আঁচনিখনক ডাকঘৰ গুল্লক বুলিও কোৱা হয়। ইয়াত সৰু সৰু বিনিয়োগৰ জৰিয়তে ক্ৰমান্বয়ে বৃহৎ পুঁজি সৃষ্টি কৰিব পৰা যায়। বিশেষ কথাটো হ’ল যে যদি আপুনি এটা নিৰ্দিষ্ট কৌশলত বিনিয়োগ কৰে তেন্তে কেৱল সুতৰ পৰাই ভাল পৰিমাণৰ উপাৰ্জন সম্ভৱ।

মাত্ৰ ১০০ টকাৰে একাউণ্ট খুলিব পাৰিব

ডাকঘৰৰ অন্যতম জনপ্ৰিয় ক্ষুদ্ৰ সঞ্চয় আঁচনি, ডাকঘৰ আৰ ডি আঁচনিখন ওচৰৰ যিকোনো ডাকঘৰৰ জৰিয়তে সহজেই খুলিব পাৰি। মাত্ৰ ১০০ টকাৰ প্ৰাৰম্ভিক বিনিয়োগেৰে এই একাউণ্ট খোলা সম্ভৱ। বিনিয়োগকাৰীয়ে ইচ্ছা কৰিলে একক বা যৌথ একাউণ্টো খুলিব পাৰে।

৫ বছৰৰ মেচিউৰিটি, এই সুবিধাও উপলব্ধ হ’ব

ডাকঘৰৰ পুনৰাবৃত্তিমূলক জমা আঁচনিত বিনিয়োগৰ মেচিউৰিটি সময়সীমা
৫ বছৰ নিৰ্ধাৰণ কৰা হৈছে। ইয়াৰ উপৰিও যদি কোনোবাই অধিক লাভৰ বাবে বিনিয়োগ কৰি যাব বিচাৰে, তেন্তে মেচিউৰিটিৰ পিছতো এই চৰকাৰী আঁচনিখনত বিনিয়োগৰ সময়সীমা বৃদ্ধি কৰাৰ সুবিধা আছে। ২৫ লাখ টকাৰ পুঁজিৰ পৰা আয় আৰু ৭ লাখ টকাতকৈ অধিক সুতৰ হিচাপও ১০ বছৰৰ বিনিয়োগৰ ওপৰত ভিত্তি কৰি কৰা হয়।

১৮ লাখ টকীয়া পুঁজি কেনেকৈ সৃষ্টি কৰিব?

ডাকঘৰৰ আঁচনিখনত বিনিয়োগ কৰি ২৫ লাখ টকাৰ পুঁজি সৃষ্টি কৰিবলৈ হ’লে প্ৰতিদিনে ৫০০ টকা সঞ্চয় কৰিব লাগিব। এইদৰে নিয়মিতভাৱে সঞ্চয় কৰিলে মাহে প্ৰায় ১৫ হাজাৰ টকা জমা হ’ব। এতিয়া এই ধন যদি আপুনি প্ৰতিমাহে ডাকঘৰৰ RD চেভিঙচ একাউণ্টত জমা ধনত বিনিয়োগ কৰে তেন্তে ৫ বছৰৰ মেচিউৰিটি পিৰিয়ডত আপোনাৰ মুঠ জমা ধন হ’ব ৯ লাখ টকা। ইয়াৰ লগতে সুতৰ পৰা ১,৭০,৪৯২ টকা উপাৰ্জন কৰিব। ফলত ৫ বছৰৰ শেষত মুঠ পুঁজি হ’ব ১০,৭০,৪৯২ টকা। তাৰ পিছত বৰ্তমানৰ সুবিধা অনুসৰি বিনিয়োগৰ সময়সীমা আৰু ৫ বছৰ বৃদ্ধি কৰিব লাগিব। তেনে ক্ষেত্ৰত ১০ বছৰত আপোনাৰ মুঠ বিনিয়োগ ১৮ লাখ টকা হ’ব। আৰু মুঠ পুঁজি হ’ব প্ৰায় ২৫.৬২ লাখ টকা। ইয়াৰ ভিতৰত কেৱল সুতৰ পৰা আয় হ’ব ৭,৬২,৮২২ টকা।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ