বেলতলাত পত্নী ৰিয়া তালুকদাৰক ৰামানুজনে নৃ*শংসভাৱে হ*ত্যা কৰাৰ ঘটনাই ৰাজ্যজুৰি তীব্ৰ চাঞ্চল্যৰ সৃষ্টি কৰিছে। এই হ*ত্যাকাণ্ডৰ তদন্ত চলি থকাৰ মাজতে অভিযুক্ত ৰামানুজ গোস্বামীৰ অতীতক লৈ কেইবাটাও গুৰুত্বপূৰ্ণ তথ্য পোহৰলৈ আহিছে। ৰামানুজ বিগত প্ৰায় পাঁচ বছৰ ধৰি ড্ৰা*গছৰ আসক্ত আছিল। এই আসক্তিৰ বাবে তেওঁ এটা সময়ত ৰিহেবিলিটেচন চেণ্টাৰত আছিল। ইফালে, ৰিয়া হ*ত্যাকাণ্ডৰ পিছত অভিযুক্ত ৰামানুজৰ আচৰণক লৈও সৃষ্টি হৈছে তীব্ৰ প্ৰতিক্ৰিয়া। আৰক্ষীৰ জিম্মাত থকাৰ সময়তে সংবাদ মাধ্যমৰ আগত তেওঁ হ*ত্যাকাণ্ডক লৈ কোনো অনুশোচনা নথকাৰ কথা প্ৰকাশ কৰা বুলি জানিব পৰা গৈছে।
সংবাদ মাধ্যমৰ সন্মুখতে মানৱতাৰ ক্ষুদ্ৰতম বৈশিষ্ট্যখিনিও হেৰুৱাই পেলোৱা ৰামানুজে ‘No regrets, No apology’ বুলি মন্তব্য কৰাৰ লগতে ৰিয়াক হ*ত্যা কৰি তেওঁৰ ভাল লাগিছে বুলিও কোৱা বুলিও অভিযোগ উঠিছে। ইয়াৰ উপৰি জে’লৰ পৰা ওলাই আহিলে ৰিয়াৰ তথাকথিত ‘চুগাৰ ডেডী’কো হ*ত্যা কৰাৰ হুংকাৰ দিয়া বুলি জানিব পৰা গৈছে।
ৰামানুজে ৰিয়াৰ পৰকীয়া প্ৰেমৰ সম্পৰ্ক থকাৰ সন্দেহৰ পৰাই এই হ*ত্যাকাণ্ড সংঘটিত কৰা বুলি স্বীকাৰ কৰা বুলি জানিব পৰা গৈছে। কেৱল এয়াই নহয়, আৰক্ষীৰ জিম্মাত সংবাদ মাধ্যমৰ কৰ্মীৰ সৈতেও তেওঁ দুৰ্ব্যৱহাৰ কৰা পৰিলক্ষিত হোৱা বুলি জানিব পৰা গৈছে। ইফালে, ৰিয়া তালুকদাৰৰ মৰণোত্তৰ পৰীক্ষাক লৈও জটিলতা সৃষ্টি হৈছিল। সোমবাৰে ৰিয়াৰ ককায়েক পলমকৈ মৰ্গত উপস্থিত হোৱাৰ বাবে সেইদিনা মৰণোত্তৰ পৰীক্ষা সম্পন্ন কৰিব পৰা নগ’ল। আজি মৰণোত্তৰ পৰীক্ষা সম্পন্ন হোৱাৰ কথা।
দীৰ্ঘ সময় ধৰি মৰণোত্তৰ পৰীক্ষা নোহোৱাকৈ থকাৰ ফলত মৃ*তদেহটোৰ ডিঙিৰ তলৰ অংশ উৱলি যাবলৈ আৰম্ভ কৰা বুলিও জানিব পৰা গৈছে। এতিয়া মৰণোত্তৰ পৰীক্ষাৰ প্ৰতিবেদন আৰু আৰক্ষীৰ তদন্তৰ পিছত হ*ত্যাকাণ্ডটোৰ বহু গুৰুত্বপূৰ্ণ দিশ স্পষ্ট হোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
