য়ুজবেন্দ্ৰ চহলৰ ৰেকৰ্ড ভংগ কৰি ইতিহাস ৰচিলে অৰ্শ্বদীপে
ভাৰতীয় ক্ৰিকেটাৰ অৰ্শ্বদীপে ৰচিলে এক নতুন ইতিহাস। য়ুজবেন্দ্ৰ চহলৰ ৰেকৰ্ড ভংগ কৰি ইতিহাস ৰচিলে অৰ্শ্বদীপ। সৰ্বাধিক উইকেট দখল কৰি অৰ্শ্বদীপে ৰচিলে ইতিহাস।
কলকাতাৰ ইডেন গাৰ্ডেনত আজিৰে পৰা আৰম্ভ ভাৰত আৰু ইংলেণ্ডৰ মাজৰ ৫খনীয়া টি-২০ শৃংখলা আৰম্ভ, আজি শৃংখলাৰ প্ৰথমখন মেচ। ভাৰতীয় অধিনায়ক সূৰ্যকুমাৰ যাদৱে টছত জয়লাভ কৰি প্ৰথমে বলিং কৰাৰ সিদ্ধান্ত লয়।
এই মেচতে ইতিহাস ৰচে অৰ্শদীপ সিঙে। টি-২০ত ভাৰতৰ হৈ সৰ্বাধিক উইকেট দখলকাৰী হিচাপে পৰিগণিত হৈছে অৰ্শ্বদীপ। পূৰ্বে এই অভিলেখ আছিল যুজবেন্দ্ৰ চাহালৰ নামত।
টি-২০ কেৰিয়াৰত ৯৬টা উইকেট দখল কৰি শীৰ্ষত আছিল স্পিন বলাৰ য়ুজবেন্দ্ৰ চাহাল। এতিয়া য়ুজবেন্দ্ৰক অতিক্ৰম কৰি অৰ্শদীপে ৯৭টা উইকেটৰেৰে টি-২০ত ভাৰতৰ সফল বলাৰ হিচাপে পৰিগণিত হৈছে।
মাত্ৰ ৬১খন মেচতে এই কৃতিত্ব অৰ্জন কৰিবলৈ সক্ষম হৈছে অৰ্শদীপ সিঙে, আনহাতে চাহালে ৯৬টা উইকেট দখল কৰিবলৈ ৮০খন মেচ খেলিবলগীয়া হৈছিল।
এই তালিকাত বৰ্তমানে শীৰ্ষ ৫ৰ ভিতৰত আছে
অৰ্শ্বদীপ- ৬১খন মেচ- ৯৭ উইকেট
য়ুজবেন্দ্ৰ- ৮০ খন মেচ- ৯৬ উইকেট
ভুৱনেশ্বৰ কুমাৰ- ৮৭খন মেচ- ৯০ উইকেট
যশপ্ৰীত বুমৰাহ- ৭০ খন মেচ- ৮৯ উইকেট
হাৰ্দিক পাণ্ডিয়া- ১১০ খন মেচ- ৮৯ টা উইকেট
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
