অব্যাহত আছে ৰাছিয়াৰ ইউক্ৰেইন আক্ৰমণ৷ ৰাছিয়াই পাৰমাণৱিক অস্ত্ৰ প্ৰয়োগৰ ভাবুকি দিয়াৰ পিছতে ইউক্ৰেইনে আলোচনাৰ বাবে সন্মত হৈছে৷
এই আক্ৰমণত কেৱল দুয়োপক্ষৰ সৈন্যই নহয় ইউক্ৰেইনৰ কেবা শতাধিক সাধাৰণ নাগৰিকৰো প্ৰাণ হানি হৈছে৷ ইউক্ৰেইনে কৰা দাবী মতে ৰাছিয়াৰ আক্ৰমণত এই পৰ্যন্ত ৩৫২ গৰাকী সাধাৰণ লোকৰ মৃত্যু ঘটিছে৷
ইফালে এই আক্ৰমণত কেৱল ইউক্ৰেইনেই ধ্বংসস্তূপত পৰিণত হোৱা নাই৷ ৰাছিয়াই বিভিন্ন ধৰণৰ কূটনৈতিক আৰু অৰ্থৈনিতক প্ৰতিবন্ধকতাৰ সন্মুখীন হৈছে৷
অতি শেহতীয়াকৈ ৰাছিয়াই সুৰাৰ ক্ষেত্ৰতো প্ৰতিবন্ধকতাৰ সন্মুখীন হৈছে৷ ইতিমধ্যে আমেৰিকা যুক্তৰাষ্ট্ৰ আৰু কানাডাই ৰাছিয়াৰ সুৰাৰ লগতে অতি জনপ্ৰিয় ৰাছিয়ান ভডকাৰ ওপৰতো নিষেধাজ্ঞা আৰোপ কৰিছে৷
দেওবাৰে দুয়োখন দেশে ৰাছিয়াৰ সুৰাৰ লগতে ৰাছিয়ান ভডকাৰ ওপৰতো এই নিষেধাজ্ঞা আৰোপ কৰিছে৷ এতিয়াৰে পৰা আমেৰিকা আৰু কানাডাক কোনো ধৰণৰ ৰাছিয়ান সুৰাই উপলব্ধ নহ’ব৷ ইয়াৰ ফলত ৰাছিয়াৰ সুৰাৰ বজাৰখন সাংঘাটিকভাৱে ক্ষতিৰ সন্মুখীন হ’ব বুলি ধাৰণা কৰা হৈছে৷
সংবাদ সংস্থা ৰয়টাৰ-এ প্ৰকাশ কৰা মতে কানাডাই ২০২১ বৰ্ষত ২৯ কোটি টকা ৰাছিয়াৰ পৰা কেৱল ভডকাই আমদানি কৰিছিল৷ উল্লেখ্য যে হুইস্কি, ষ্টেটচস্কানৰ লগতে ৰাছিয়ান ভডকাও অতি জনপ্ৰিয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ