কাইলৈ ৰাজ্যৰ ৪০টা সমষ্টিত অন্তিম পৰ্যায়ৰ ভোটগ্ৰহণ

অসম লাইভ ২৪ঃ মঙলবাৰে ৰাজ্যত অনুষ্ঠিত হ’ব তৃতীয় পৰ্যায়ৰ ভোটগ্ৰহণ। মঙলবাৰে ৪০টা সমষ্টিত অনুষ্ঠিত হ’ব অন্তিম পৰ্যায়ৰ ভোটগ্ৰহণ। তৃতীয় পৰ্যায়ত নিৰ্ণয় হ’ব ৩৩৭গৰাকী প্ৰাৰ্থীৰ ভাগ্য। হিমন্ত বিশ্ব শৰ্মা, বিজেপিৰ ৰাজ্যিক সভাপতি ৰঞ্জিত দাস, সিদ্ধাৰ্থ ভট্টাচাৰ্যৰ দৰে হেভী ৱেট প্ৰাৰ্থীৰ ভাগ্য বন্দী হ’ব EVM ত। তদুপৰি মন্ত্ৰী চন্দ্ৰমোহন পাটোৱাৰী, দিছপুৰ সমষ্টিৰ প্ৰাৰ্থী অতুল বৰাকে ধৰি কেইবাগৰাকী বিজেপি নেতাৰ ভাগ্য মঙলবাৰে EVMত বন্দী হ’ব। ইয়াৰ উপৰি BPFৰ প্ৰাৰ্থী প্ৰমীলা ৰাণী ব্ৰহ্ম আৰু চন্দন ব্ৰহ্ম, AGPৰ প্ৰাৰ্থী ফনীভূষণ চৌধুৰী আৰু কণ্ঠশিল্পী কল্পনা পাটোৱাৰী, কংগ্ৰেছ প্ৰাৰ্থী ৰেকিবুদ্দিন আহমেদ আৰু ৰাইজৰ দলৰ প্ৰাৰ্থী কমল কুমাৰ মেধীৰ ভাগ্য নিৰ্ণয় কৰিব ভোটাৰে। দিছপুৰ সমষ্টিত বিজেপি প্ৰাৰ্থী অতুল বৰা আৰু মহাজোঁটৰ প্ৰাৰ্থী মনজিৎ মহন্তৰ মাজৰ যুঁজ হ’ব আকৰ্ষণীয়। অন্তিম পৰ্যায়ৰ ভোটগ্ৰহণৰ ৪০টা সমষ্টি হ’ল ক্ৰমে- মানকাচৰ, দক্ষিণ শালমৰা, ধুবুৰী, গৌৰীপুৰ, গোলকগঞ্জ, পশ্চিম বিলাসীপাৰা, পূব বিলাসীপাৰা, গোসাইগাঁও, পশ্চিম কোকৰাঝাৰ, পূব কোকৰাঝাৰ, চিদলী, বঙাইগাঁও, বিজনী, উত্তৰ অভয়াপুৰী, দক্ষিণ অভয়াপুৰী, দুধনৈ, পূব গোৱালপাৰা, পশ্চিম গোৱালপাৰা, জলেশ্বৰ, সৰভোগ, ভৱানীপুৰ, পাটাছাৰকুছি, বৰপেটা, জনিয়া, বাঘবৰ, সৰুক্ষেত্ৰী, চেংগা, বকো, ছয়গাঁও, পলাশবাৰী, জালুকবাৰী, দিছপুৰ, পূব গুৱাহাটী, পশ্চিম গুৱাহাটী, হাজো,  তামুলপুৰ, বৰক্ষেত্ৰী, ধৰ্মপুৰ, বৰমা আৰু চাপাগুৰি।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ