অসম লাইভ ২৪ঃ ২০২১ বষৰ্ৰ অন্তিম সময়। এই সময়ত সাধাৰণতে সমাজৰ প্ৰায়বোৰ লোকেই ব্যস্ত হৈ পৰে বনভোজ খোৱা বা নৱবৰ্ষৰ উৎযাপনক লৈ। বহুতে নৱবৰ্ষ উৎযাপন বা বনভোজৰ নামত কি অপ্ৰীতিকৰ পৰিৱেশৰ সৃষ্টি কৰে সেইয়া আমি সকলোৱে জানো বা দেখিছো।
কিন্তু এইবাৰ সাৱধান হওক আপুনি। কঠোৰ হৈছে অসম চৰকাৰ, কঠোৰ হৈছে ৰাজ্যৰ আৰক্ষী-প্ৰশাসন। আগৰ দৰে এইবাৰ আৰু সুৰা পান কৰি বা বনভোজৰ নামত অসভ্য আচৰণ কৰিব নোৱাৰিব।
এইবাৰ মানি চলিব লগীয়া প্ৰথম নিৰ্দেশ, সুৰাপান কৰি বাহন চলোৱাটো সম্পূৰ্ণ নিষেধ। উচ্চস্বৰত সংগীত বজোৱাটোও আইন মতে দণ্ডনীয়। ইফালে কেনেবাকৈ যদি সুৰাপান কৰি গাড়ি চলোৱাটো আৰক্ষীৰ চকুত ধৰা পৰে তেন্তে ১০ হাজাৰ টকা জৰিমনা দিয়াটো বাধ্যতামূলক।
লগতে সুৰাপান কৰা ব্যক্তিগৰাকীৰ বাহন চলোৱা অনুজ্ঞাপত্ৰকো বাতিল কৰা হ’ব। সেয়েহে বাতৰিটো পঢ়া প্ৰতিগৰাকী ব্যক্তি সাৱধানে থাকক। নহ’লে এইবাৰ বনভোজ বা নৱবৰ্ষত নিয়ম নামানিলে আপুনি যে বিপদত পৰিব সেয়া খাটাং।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
