দেশবাসীৰ আগত প্ৰশংসা ৰিক্সাচালক আহমেদ আলীৰ, গণৰাজ্য দিৱসৰ কেন্দ্ৰীয় কাৰ্যসূচীৰ বিশেষ অতিথি
প্ৰধানমমন্ত্ৰীৰ ‘মন কী বাত’ত স্থান পালে অসমৰ শ্ৰীভুমিৰ পাথাৰকান্দিৰ এগৰাকী ৰিক্সাচালকে। সমগ্ৰ দেশবাসীৰ আগত প্ৰশংসিত হল ৰিক্সাচালক আহমেদ আলী। কাৰণে আহমেদ আলীয়ে কৰি দেখুৱালে এনে কাম যি কাম ইমান দিনে কৰিব পৰা নাছিল চৰকাৰে।
যাৰ বাবেই প্ৰধানমন্ত্ৰীৰ মন কি বাতত স্থান পালে অহমেদ আলীয়ে। পাথাৰকান্দিৰ আহমেদ আলীয়ে ৰিক্সা চলাই পোৱা টকা জমা কৰি কৰি ৯ খনকৈ বিদ্যালয় নিৰ্মাণ কৰি গঢ়িলে অভিলেখ।
২০১৮ চনতে প্ৰধানমন্ত্ৰীৰ মন কি বাতত এই কথা উল্লেখ কৰিছিল প্ৰধানমন্ত্ৰীয়ে। সেই আহমেদ আলীক এইবাৰ ২০২৫ চনৰ গণৰাজ্য দিৱসত কেন্দ্ৰীয় কাৰ্যসূচীত বিশেষ অতিথি হিচাপে নিমন্ত্ৰণ কৰা হৈছে।
এসময়ত দৰিদ্ৰতাৰ বাবে স্কুললৈ যাব নোৱাৰা ৰিক্সাচালক আহমেদ আলীৰ বাবে বিদ্যালয় আৰু শিক্ষা কিমান প্ৰয়োজন সেয়া বুজাবা নোৱাৰা অনুভৱ। সেয়ে নিজৰ দৰে যাতে অন্য শিশু শিক্ষাৰ পৰা বঞ্চিত নহয়, তাৰ বাবে ৰিক্সা চলাই চলাইয়ে আন ১০ শিশুৰ বাবে দেখিলে সপোন।
সেই সপোন পূৰণ কৰাৰ বাবে দেহে কেহে লাগি থাকে কামত। আনহাতে পাথাৰকান্দিৰ খিলৰবন্দৰ গাঁওৰ লোকবোৰ অত্যন্ত দুখীয়া। যাতে ল’ৰা-ছোৱালী শিক্ষাৰ পৰা বঞ্চিত নহয় সেই কথা ভাবি ৯ খনকৈ বিদ্যালয় নিৰ্মাণ কৰিলে ব্যক্তিজনে।
সাঁচতীয়া ধনৰ লগতে নিজৰ মাটি বিক্ৰী কৰি নিৰ্মাণ কৰিছিল বিদ্যালয় কেইখন। মুঠ ৩৬ বিঘা মাটিৰ ৩২ বিঘাই বিক্ৰী কৰিছিল বিদ্যালয় নিৰ্মাণৰ বাবে।
দিনত ৰিক্সা চলাই, নিশা বিদ্যালয়ৰ বাবে ডেক্স-বেঞ্চ নিৰ্মাণ কৰিছিল আহমেদ আলীয়ে। বিদ্যালয়ৰ সকলো সা-সুবিধাৰ প্ৰতিয়ো দৃষ্টি ৰাখিছিল আলীয়ে।
সমাজৰ হৈ কৰা এনে কামৰ বাবেই ‘মন কী বাত’ অনুষ্ঠানত দেশবাসীৰ আগত আহমেদ আলীৰ উদাহৰণ দিলে প্ৰধানমন্ত্ৰীয়ে। আহমেদ আলীৰ এনে মহান কাৰ্যক প্ৰশংসাও কৰে প্ৰধানমন্ত্ৰী নৰেন্দ্ৰ মোদীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
