বাংগালুৰুত প্ৰেমিকৰ হাতত প্ৰাণ হেৰুৱালে অসমৰ মায়া গগৈয়ে
পুনৰ বহিঃৰাজ্যত প্ৰাণ হেৰুৱালে অসমৰ লোকে। এইবাৰ এগৰাকী যুৱতীয়ে হেৰুৱালে প্ৰাণ। অভিযোগ অনুসৰি যুৱতীগৰাকীৰ প্ৰেমিকেই হত্যা কৰে । বেংগালুৰুত সংঘটিত হৈছে এই ঘটনা। অসমৰ যুৱতীগৰাকীৰ নাম মায়া গগৈ।
বেংগালুৰুৰ ইন্দিৰানগৰত সংঘটিত হৈছে এই ঘটনা। ৰাষ্ট্ৰীয় সংবাদ মাধ্যমৰ খবৰ অনুসৰি কৰ্মসূত্ৰে বাংগালুৰুত বাস কৰা ২৫ বছৰীয়া মায়া গগৈ নামৰ যুৱতীগৰাকীক চুৰীৰে আঘাত কৰি অতি নৃশংসভাৱে হত্যা কৰা হৈছে তেওঁৰেই এপাৰ্টমেণ্টত।
জানিব পৰা মতে মায়া গগৈ নামৰ অসমৰ যুৱতীগৰাকী কৰ্মসূত্ৰে বেংগালুৰু ইন্দিৰানগৰত বাস কৰিছিল। সেই বাসগৃহতেই মায়াক তেওঁৰ প্ৰেমিক আৰভ অনয়ে হত্যা কৰাৰ গুৰুতৰ অভিযোগ। প্ৰেমিক আৰভ অনয়ৰ ঘৰ কেৰালাৰ কন্নুৰত।
ৰয়েল লিভিংছ নামৰ এপাৰ্টমেণ্টৰ চিচি টিভি কেমেৰাত আৱদ্ধ হোৱা দৃশ্য অনুসৰি আৰভ সেই এপাৰ্টমেণ্টত বিগত তিনিদিন ধৰি বাস কৰি আছিল। মায়া গগৈৰ মৃতদেহ উদ্ধাৰ হোৱাৰ এদিন পাছত চিচি টিভি কেমেৰাত দেখা পোৱা অনুসৰি তিনিদিনৰ পাছত আৰভে সেই এপাৰ্টমেণ্ট ত্যাগ কৰে।
আৰক্ষীয়ে প্ৰাৰম্ভিক তদন্ত কৰি অনুমান কৰা অনুসৰি মায়াক হত্যা কৰাৰ পাছত সেই ফ্লেটতে আছিল প্ৰেমিক আৰভ। মৃতদেহৰ কাষত আৰক্ষীয়ে পাইছে ছিগাৰেটৰ টুকুৰা।
পাছে বৰ্তমানলৈ আৰভে মায়াক সঁচাকৈ হত্যা কৰে নে, যদি কৰে তেন্তে কিয় হত্যা কৰিলে সেই বিষয়ে কোনো তথ্য এতিয়ালৈকে পোহৰলৈ অহা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
