ঘৰত কোনকেইবিধ গছ থাকিলে শান্তি অটুত থাকে? কি কয় জ্যোতিষ শাস্ত্ৰই?

অসম লাইভ২৪ঃ জীৱনটো সুখেৰে অতিবাহিত কৰিব কোনে নিবিচাৰে? কিন্তু বৰ্তমান পাৰিপাৰ্শ্বিক এনে হৈ উঠিছে যে শান্তিৰ জীৱন কটোৱাটোৱেই এক প্ৰত্যাহ্বান হৈ দেখা দিছে৷ কিন্তু ইয়াৰ মাজতো এটা কথা ঠিক যে ভাল এটা মনৰ অধিকাৰী হ’বলৈ গছেও বিশেষ ভূমিকা পালন কৰে৷ গছ মানুহৰ ভাল বন্ধু৷ গছৰ সৈতে সময় অতিবাহিত কৰিলে মনত শান্তি অনুভূত হয়৷ বাস্তু শাস্ত্ৰতো গছৰ কথা উল্লেখ আছে৷ ঘৰত কেইবিধমান এনে গছ ৰুব লাগে যিয়ে শান্তি অটুত ৰখাত সহায় কৰে৷ ঘৰত শান্তি অটুত ৰাখিবলৈ এইকেইজোপা গছ ঘৰত ৰুব লাগে৷

পদুম
পদুম ফুলৰ গছ ঘৰৰ উত্তৰ-পূব কোণত ৰুব লাগে৷ তেতিয়া ঘৰত শান্তি বিৰাজ কৰে৷ ইয়াৰোপৰি ঘৰৰ পূব দিশতো পদুম গছ ৰুব পাৰে৷ পদুম ফুল মা লক্ষ্মীৰ অতি প্ৰিয় এবিধ ফুল৷

চম্পা ফুল
চম্পা ফুলৰ গছ সৌভাগ্যৰ প্ৰতীক৷ এই গছ ঘৰত থকাটো অত্যন্ত শুভ বুলি জ্যোতিষ শাস্ত্ৰত উল্লেখ আছে৷

নাৰ্জী ফুলৰ গছ
নাৰ্জী ফুলৰ গছ ঘৰৰ উত্তৰ বা পূব দিশত ৰুৱাটোও অতি শুভ৷ এই গছ ঘৰত ৰাখিলে ঘৰত সমৃদ্ধি অটুত থাকে৷

বেল গছ
বেল গছ ঘৰত থকাটো অতি শুভ৷ এই গছে মানুহৰ মনত শান্তি আনে৷ এই গছে মানসিক অৱসাদ দূৰ কৰাতো সহায় কৰে৷

জবা ফুলৰ গছ
জবা ফুলৰ গছ ঘৰত ৰাখিলে মা কালী আৰু সিদ্ধিদাতা গণেশৰ আশীৰ্বাদ পোৱা যায় বুলি জ্যোতিষ শাস্ত্ৰত উল্লেখ আছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ