অসম লাইভ২৪ঃ নিজস্ব এখন বাহনৰ মালিক কোননো হ’ব নিবিচাৰে? মধ্যবিত্তসকলে যেনেকৈ ধন জমা কৰি নিজা বাজেটৰ এখন বাহন ক্ৰয় কৰিব বিচাৰে তেনেকৈয়ে উচ্চবিত্তসকলে নিজৰ গেৰেজত বিলাসবহুল বাহনৰ সংখ্যা বঢ়োৱাৰ কথা চিন্তা কৰে। কেইটামান দিন পাৰ হ’লেই আৰম্ভ হ’ব নতুন বছৰ। সপোনৰ বাহনখন ক্ৰয়ৰ ইচ্ছা নতুন বছৰত বহুতৰেই সম্পূৰ্ণ হ’ব। জ্যোতিষ গণনামতে আগন্তুক বছৰত ৫ৰাশিৰ জাতকৰ নতুন বাহন ক্ৰয় কৰাৰ ইচ্ছা পূৰণ হ’ব।
মেষ ৰাশি
২০২৪ত নতুন গাড়ী ক্ৰয় কৰাৰ সপোন পূৰণ হ’ব মেষ ৰাশিৰ জাতকৰ। এই নতুন গাড়ী এওঁলোকৰ সুখ আৰু সৌভাগ্যৰ প্ৰতীক হৈ আহিব। মেষ ৰাশিৰ অধিপতি গ্ৰহ মঙ্গল। ৰঙা ৰঙৰ বাহন এওঁলোকৰ বাবে শুভ। ইয়াৰোপৰি বাদামী, খয়েৰী বা চকলেট ৰঙৰ বাহন কিনিব পাৰে মেষ ৰাশিৰ জাতকে। ইয়াৰোপৰি এনাৰ্জী ভৰপুৰ থাকিব গোটেই বছৰ। প্ৰেমত শুভ। মেষ ৰাশিৰ জাতকে এই বৰ্ষত SUVৰ প্ৰতি আকৃষ্ট হ’ব।
মকৰ ৰাশি
২০২৪ চনত পৰিয়ালৰ সৈতে বাহিৰলৈ যোৱাৰ পৰিকল্পনাত সফল হ’ব। নতুন বাহন ক্ৰয় কৰি ফুৰাৰ ইচ্ছা পূৰণ হ’ব। মকৰ ৰাশিৰ জাতকে নতুন বাহন ক্ৰয় কৰাৰ সময়ত গাড়ীৰ ব্ৰেণ্ড ভেলুতকৈ গাড়ীৰ ফিচাৰৰ ওপৰতহে গুৰুত্ব দিব। এওঁলোকৰ গাড়ী ডিজাইনত অত্যাধুনিক নহ’লেও আৰামদায়ক হ’ব।
কন্যা ৰাশি
পুৰণা সামগ্ৰী সহজে ত্যাগ কৰিব নোৱাৰে কন্যা ৰাশিৰ জাতকে। সেয়ে পুৰণা বাহন এৰি নতুন গাড়ী ক্ৰয়ৰ পৰিকল্পনা সহজে নকৰে এই ৰাশিৰ জাতকে। ২০২৪ত হাতলৈ অৰ্থ আহিব এই ৰাশিৰ জাতকৰ। নতুন বছৰত নতুন গাড়ী ক্ৰয়ৰ কথা ভাৱিব পাৰে এই ৰাশিৰ জাতকে। পাৰফেকচনিষ্ট কন্যা ৰাশিয়ে বাহন ক্ৰয় কৰাৰ সময়ত সকলো ভাল দিশ বিচাৰ কৰি ল’ব। গাড়ীৰ ইঞ্জিনৰ পৰা ইণ্টেৰিয়ৰ ডিজাইন সকলোবোৰ চাইহে গাড়ী ক্ৰয় কৰিব।
তুলা ৰাশি
তুলা ৰাশিৰ জাতকে নতুন বছৰত গাড়ী কিনাৰ পূৰ্ণ সম্ভাৱনা আছে। এওঁলোকৰ গাড়ী হ’ব অত্যাধুনিক আৰু আৰামদায়ক। গাড়ীৰ ষ্টাইল আৰু সৌন্দৰ্যৰ দিশত যথেষ্ট নজৰ দিব। সেয়ে তেওঁলোকে চেডাৰ্ণ কাৰকেই গুৰুত্ব দিব।
মীন ৰাশি
গাড়ী ক্ৰয়ত খুব বেছি আগ্ৰহী নহয় মীন ৰাশিৰ জাতক। কিন্তু প্ৰয়োজনৰ তাগিদাত এওঁলোকে বাহন কিনিব পাৰে। মীন ৰাশিৰ গ্ৰহ অধিপতি হৈছে বৃহস্পতি। মীন ৰাশিৰ জাতকৰ পছন্দৰ ৰং হৈছে হালধীয়া নতুবা কমলা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
