মাত্ৰ ১০ দিনৰ অভিযানৰ পৰিকল্পনাৰে মহাকাশলৈ গৈছিল সুনীতা উইলিয়ামছ৷ কিন্তু এই যাত্ৰাৰ এমাহ পাৰ হৈ গ’ল যদিও আজিও পৃথিৱীলৈ উভতি অহা নাই সুনীতা৷  নাছাৰ তৰফৰ পৰা জনোৱা অনুসৰি আন্তৰ্জাতিক স্পেছ ষ্টেচনত নিৰাপদেই আছে সুনীতা৷ এই পৰিস্থিতিত মহাকাশৰ পৰা পৃথিৱীবাসীক উদ্দেশ্যি দিছে বিশেষ বাৰ্তা৷ নাছাৰ ইউটিউব চেনেলত সম্প্ৰচাৰিত হৈছে সুনীতাৰ এটা বিশেষ বাৰ্তা৷

এই লাইভ বাৰ্তাত পৃথিৱীলৈ উভতি অহা সন্দৰ্ভত কেইবাটাও গুৰুত্বপূৰ্ণ কথা প্ৰকাশ কৰিছে সুনীতাই৷ মহাকাশযানত যান্ত্ৰিক ত্ৰুটিৰ বিষয়ে উইলমোয়ে কয়, ‘আমি ত্ৰুটিসমূহক লৈ আলোচনা কৰিছো৷ যদি আই এছ এছ এত কোনো সমস্যা আছে তেন্তে সেয়া আমি বিচাৰি বাহিৰ ওলিয়াব পৰা যাব৷ আমি নিশ্চিত যে আমাৰ টিমৰ সহায়ত ঘৰলৈ উভতিব পাৰিব৷ আমাৰ ভাৱিয়েই ভাল লাগিছে আমি পৃথিৱীলৈ উভতি যাম৷’

উভতি অহাৰ কোনো নিৰ্দিষ্ট দিনক্ষণ জনোৱা হোৱা নাই৷ নাছাৰ কৰ্মকৰ্তাসকলে কয় যে, জুলাইৰ শেষৰ দিনটোৰ ওপৰত নজৰ ৰখা হৈছে৷ লাইভ কথোপকথনৰ সময়ক নিজৰ এক অভিজ্ঞতাৰ কথা শ্বেয়াৰ কৰিছে সুনীতাই৷ মহাকাশত ঘূৰ্ণীবতাহ কেনেকুৱা সেয়াও নিজচকুৰে দেখিছে সুনীতাই৷ মহাকাশৰ পৰা পৃথিৱীলৈ বাৰ্তা দিয়া এই লাইভৰ নাম দিয়া হৈছে আৰ্থ টু স্পেছ৷

সেই লাইভতেই সুনীতাই কয়, ‘ধুমুহা বেছ চিত্তাকৰ্শক৷ আমি প্ৰকৃততে ঘূৰ্ণীবতাহৰ প্ৰভাৱৰ প্ৰায় ডেৰ সপ্তাহ পূৰ্বে আফ্ৰিকাৰ পশ্চিম উপকূলত এটা ঘূৰ্ণীবতাহ বিধ্বস্ত সময়ৰ ফটো তুলিছিলো৷ মই প্ৰায় ৯৮ শতাংশ নিশ্চিত আছিলো যে সেয়া ঘূৰ্ণীবতাহেই হয়৷’

এই যাত্ৰা সন্দৰ্ভত সুনীতাৰ সহযোগী বুছ উইলমোৱে কয়, ‘এয়া এক পৰীক্ষামূলক ফ্লাইট আছিল৷ আমি আমাৰ দলৰ সৈতে যোগাযোগ ৰাখিছো৷ 3D প্ৰিণ্টেড মুন মাইক্ৰস্কোপ আৰু জিন ছিকোয়েন্সিং ব্যৱহাৰ কৰি বিজ্ঞানৰ পৰীক্ষা নিৰীক্ষা আমাৰ অভিযানত চামিল কৰা হৈছে৷ বোয়িং ষ্টাৰলাইনৰ পৰীক্ষামূলকৰ ফ্লাইটখন মাত্ৰ ৮ দিনৰ ভিতৰত পৃথিৱীলৈ উভতি অহাৰ কথা আছিল৷ কিন্তু মহাকাশযানখনত প্ৰযুক্তিগত ত্ৰুটিৰ কাৰণে কিছু বিলম্ব হৈছে৷’ নাছাৰ তৰফৰ পৰা আশ্বাস দিয়া হৈছে যে ষ্টাৰলাইনাৰ ৪৫ দিন পৰ্যন্ত আই এছ এছএত থাকিবলৈ সক্ষম৷ বৰ্তমান তাতেই তেওঁলোক ৩৫ দিন আছে৷ মহাকাশযানখনে পৃথিৱী এৰাৰ পাছতেই পাঁচটা হিলিয়াম টেংকত ফুটা ধৰা পৰে৷ ইয়াৰ ফলত নষ্ট হৈ যায় পাঁচটা মেনুভাৰিং থ্ৰাষ্টাৰ৷ এইয়াই নাছাৰ বাণিজ্যিক ক্ৰুৰ প্ৰগ্ৰামৰ অংশ হিচাপে ষ্টাৰলাইনাৰৰ প্ৰথম ক্ৰুৰ মিছন৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ