‘তুমি জন্ম হোৱা সময়ৰ পৰা মই চিনেমা কৰি আহিছো৷’ এইদৰে বলিউদৰ এগৰাকী অভিনেতাক প্ৰত্যাহ্বান জনাইছে বলিউদৰ খিলাড়ী অক্ষয় কুমাৰে৷
কিন্তু কাক আৰু কিয় এইদৰে প্ৰত্যাহ্বান জনাইছে খিলাড়ী অক্ষয় কুমাৰে?
বলিউদৰ যুৱপ্ৰজন্মৰ তাৰকা তথা জেকী শ্ৰফৰ পুত্ৰ টাইগাৰ শ্ৰফক টুইটাৰত এইদৰে প্ৰত্যাহ্বান জনাইছে অক্ষয় কুমাৰে৷
উল্লেখ্য যে টাইগাৰ শ্ৰফৰ জন্মৰ বছৰতে অক্ষয় কুমাৰে ছবি জগতত প্ৰৱেশ কৰিছিল৷
সেয়ে অক্ষয় কুমাৰে এইদৰে টুইট কৰি টাইগাৰ শ্ৰফক পত্যাহ্বান জনাই লগতে লিখিছে, ‘‘তুমি মোৰ লগত প্ৰতিযোগিতা কৰিবা নেকি, সৰু মিয়া?’’
এইদৰে কিয় অক্ষয় কুমাৰে টাইগাৰ শ্ৰফক পত্যাহ্বান জনালে? কিয় এই যুঁজ লাগিছে বলিউদৰ দুই তাৰকাই?
আচলতে দুয়োৰে মাজত কাজিয়াৰ সৃষ্টি হোৱা নাই৷ ‘বড়ে মিয়া ছুটে মিয়া’ নামৰ বলিউদৰ এখন ছবিত দুয়োৱে একেলগে অভিনয় কৰিব৷
১৯৯৮ চনত একে নামেৰে মুক্তি লাভ কৰা অমিতাভ বচ্চন আৰু গোবিন্দ অভিনীত ছবিখনৰ ছিকুৱেল নিৰ্মাণ কৰা হ’ব৷ ইতিমধ্যে ছবিখনৰ বাবে অক্ষয় কুমাৰ আৰু টাইগাৰ শ্ৰফ চুক্তিৱদ্ধ হৈছে৷
ইয়াৰ পিছতে ৰগৰ কৰি টাইগাৰ শ্ৰফক উদ্দেশ্যি অক্ষয় কুমাৰে এইদৰে টুইট কৰিছে৷ এই টুইটৰ পিছতে তেওঁলোকৰ অনুৰাগীসকল ছবিখনকলৈ উৎফুল্লিত হৈ পৰা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
