অসম লাইভ ২৪ঃ এই নিয়ম সাংবিধানিক। ১৯৫০ চনৰ নাগৰিকত্ব আইন অনুযায়ী এজন ব্যক্তি ভাৰতীয় নাগৰিক হ’ব, যদিহে- জন্মসূত্ৰে, ১৯৫০ চনৰ ২৬ জানুৱাৰী বা তাৰ পিছত ভাৰতত জন্ম হয়। ভাৰতত বাংলাদেশী নাগৰিকে ভৰি পৰিছে বুলি সময়ে সময়ে বহুতেই অভিযোগ উত্থাপন কৰে। কিন্তু এইবাৰ বাংলাদেশী নাগৰিক হ’লেও কোনোৱে আৰু বাংলাদেশী বুলি বাহিৰ কৰিব নোৱাৰিব। এই ঘটনা কৰিমগঞ্জৰ। মাতৃয়ে অবৈধভাৱে বাংলাদেশৰ পৰা ভাৰতত প্ৰৱেশ কৰাৰ অপৰাধত কৰিমগঞ্জ জিলা কাৰাগাৰত বিগত ৪ মাহৰ পৰা বন্দী হৈ আছিল।
ভাৰতীয় সেনাৰ হাতত গ্ৰেপ্তাৰ হওঁতেই অন্তঃসত্ত্বা আছিল মহিলাগৰাকী। চাঁন্দনি শ্বেখ নামৰ মহিলাগৰাকীয়ে ১৭ তৰিখে কৰিমগঞ্জ অসামৰিক চিকিত্সালয়ত জন্ম দিছে এটি লৰা সন্তান। এই সন্তান জন্মৰ পিছতেই মহিলাগৰাকীক পুনৰ কাৰাগাৰলৈ প্ৰেৰণ কৰা হৈছে। অবৈধভাৱে ভাৰতৰ ভূমিত প্ৰবেশ কৰিলেও মহিলাগৰাকীৰ সন্তানটোৱে জন্মসূত্ৰে লাভ কৰিছে ভাৰতীয় নাগৰিকত্ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
