অসম লাইভ ২৪ঃ হাৰ স্বীকাৰ কৰিছে শশী থাৰুৰে৷ কংগ্ৰেছৰ পৰবৰ্তী সভাপতি হিচাপে দায়িত্বভাৰ লাভ কৰিছে মল্লিকাৰ্জুন খৰ্গেই৷ নিৰ্বাচনৰ ফলাফল ঘোষণা হ’ল, মল্লিকাৰ্জূনেই নিৰ্বাচনত জয়ী হ’ল৷ কিন্তু নিৰ্বাচনৰ ফলাফল ঘোষণাৰ পূৰ্বেই শশী খাৰুৰে টুইটযোগে খৰ্গেক এই পদৰ বাবে শুভেচ্ছা জনায়৷
টুইটত শুভেচ্ছা জনাই থাৰুৰে কয়, ‘জাতীয় কংগ্ৰেছৰ সভাপতি হোৱা অত্যন্ত গৰ্বৰ কথা৷ মল্লিকাৰ্জুনলৈ এই দায়িত্ব লাভ কৰাৰ বাবে মোৰ তৰফৰ পৰা শুভেচ্ছা৷ এক হাজাৰৰো অধিক লোকৰ সমৰ্থন লাভ কৰাটো নিশ্চয়কৈ গৌৰৱৰ কথা৷
আনহাতে কংগ্ৰেছ সভাপতি নিৰ্বাচনৰ প্ৰাৰ্থী মল্লিকাৰ্জুন খৰ্গেৰ কাউণ্টিং এজেণ্ট গৌৰৱ গগৈয়ে নতুন সভাপতি পদ লাভ কৰা খৰ্গেক শুভেচ্ছা জনাই কয়,‘এয়া এক ঐতিহাসিক মুহূৰ্ত৷ আমি কংগ্ৰেছ নেত্ৰী ছোনীয়া গান্ধীৰ ওচৰত কৃতজ্ঞ৷ আগন্তক দিনত কংগ্ৰেছ আৰু শক্তিশালী হ’ব৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
