দেওবাৰে খোলা থাকিব সকলো বেংক, ৰিজাৰ্ভ বেংকে দিলে নিৰ্দেশনা
ভাৰতীয় ৰিজাৰ্ভ বেংকে (RBI) এক নিৰ্দেশনা সদৰি কৰিলে যে, দেওবাৰে খোলা ৰাখিব লাগিব বেংক। দেশৰ সকলো বেংককে নিৰ্দেশনা দিছে যে, অহা ৩১ মাৰ্চ দেওবাৰে খোলা ৰাখিব লাগিব সকলো বেংক।
তাতে আৰু চলিত বিত্তীয় বৰ্ষৰ শেষটো দিন হোৱাত সেই দিনা বাধ্যতামূলকভাৱে বেংক খোলা ৰখাৰ নিৰ্দেশনা। চলিত ২০২৪ চনৰ ৩১ মাৰ্চত চৰকাৰী লেনদেনৰ সৈতে জড়িত সকলো এজেন্সী তথা বেংকক লেনদেনৰ বাবেই খোলা ৰখাৰ নিৰ্দেশ।
উল্লেখ্য যে, প্ৰত্যেৰ বৰ্ষতেই বিত্তীয় বৰ্ষৰ শেষৰটো দিনত বেংক খোলা ৰখাৰ ক্ষেত্ৰত বাধ্যতামূলক। যাৰ বাবে এইবাৰ দেওবাৰ পৰাৰ পাছতো খোলা ৰাখিব লাগিব বেংক।
পাছে তাৰ পূৰ্বে একেলগে ৩ দিন বন্ধ পাব বেংকে। ২৩, ২৪ আৰু ২৫ মাৰ্চত দেশৰ সকলো বেংক বন্ধ থাকিব। ২৩ মাৰ্চত চতুৰ্থ শনিবাৰ হোৱাৰ বাবে , ২৪ তাৰিখ দেওবাৰ হোৱা বাবে আৰু ২৫ মাৰ্চত হোলী উদযাপনৰ বাবে সমগ্ৰ দেশতো বন্ধ থাকিব বেংক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
