সমুখত বিধানসভা নিৰ্বাচন, কি হ’ব এতিয়া পৰৱৰ্তী পদক্ষেপ, নে গ্ৰেপ্তাৰৰ পাছত এতিয়া পদত্যাগহে কৰিব লাগিব
সমুখত সমগ্ৰ দেশতে বিধানসভা নিৰ্বাচন। সকলো দল ব্যস্ত প্ৰচাৰ অভিযানত। পাছে তাৰে মাজতে বিৰোধী দল সমুহৰ ভিতৰত অন্যতম আম আদমী পাৰ্টীৰ প্ৰতিষ্ঠাপক অৰবিন্দ কেজৰিৱালৰ গ্ৰেপ্তাৰে এতিয়া কি ইংগিত বহন কৰিছে।
গ্ৰেপ্তাৰ হোৱা দিল্লীৰ মুখ্যমন্ত্ৰী অৰবিন্দ কেজৰিৱালে জে’লৰ পৰা দলৰ হৈ প্ৰচাৰ চলাব পাৰিব নে। তাতোকৈ ডাঙৰ প্ৰশ্ন জেলৰ পৰা চৰকাৰ চলাব পাৰিবনে কেজৰিৱালে?
উল্লেখ্য যে, বৃহস্পতিবাৰ ২১ মাৰ্চ তাৰিখে দিল্লীৰ মুখ্যমন্ত্ৰী অৰবিন্দ কেজৰিৱালক গ্ৰেপ্তাৰ কৰিছিল এনফোৰ্চমেন্ট ডিপাৰ্টমেন্টে( ED)। মুখ্যমন্ত্ৰী কেজৰিৱালৰ ঘৰত উপস্থিত হৈছিল প্ৰায় ৬ৰ পৰা ৮জন ED বিষয়া। নিশা ৯ বাজি ১০ মিনিটত সোধপোচ আৰু তালাচীৰ পাছত বাসগৃহৰ পৰাই EDএ গ্ৰেপ্তাৰ কৰিছিল দিল্লীৰ মুখ্যমন্ত্ৰীগৰাকীক।
দিল্লী সুৰা কেলেংকাৰীৰ গোচৰত গ্ৰেপ্তাৰ কৰিছিল মুখ্যমন্ত্ৰী কেজৰিৱালক। গ্ৰেপ্তাৰৰ পাছত আজি ২২ মাৰ্চ শুকুৰবাৰে মুখ্যমন্ত্ৰীগৰাকীক EDএ জেৰা চলাব। জেৰা কৰাৰ সকলো মুহুৰ্ত তথা সকলো বক্তব্য ৰেকৰ্ড কৰা হ’ব।
পাছে কি হ’ব দিল্লীৰ শাসনভাৰ? এই ক্ষেত্ৰত উচ্চতম ন্যায়ালয়ৰ অধিবক্তা বিৰাগ গুপ্তাই জানিবলৈ দিয়ে যে গ্ৰেপ্তাৰৰ পিছতে কোনো মুখ্যমন্ত্ৰীৰ পদত্যাগ কৰিবলৈ বাধ্যবাধকতাৰ নিয়ম নাই। ইয়াৰ পূৰ্বে তামিলনাডুৰ প্ৰাক্তন মুখ্যমন্ত্ৰী প্ৰয়াত জয়াললিতাইয়ো সম্পত্তিৰ গোচৰত গ্ৰেপ্তাৰ হোৱাৰ পাছতে পদত্যাগ কৰা নাছিল।
কেজৰিৱালৰ ক্ষেত্ৰত অধিৱক্তা বিৰাগ গুপ্তাই কয় যে মুখ্যমন্ত্ৰী কেজৰিৱালে প্ৰয়োজন সাপেক্ষে ভিডিঅ’ কনফাৰেন্সিঙৰ জৰিয়তে কেবিনেট বৈঠক অনুষ্ঠিত কৰিব পাৰিব।
কিন্তু যদিহে দোষী সাব্যস্ত হয়, তেতিয়া ছবছৰৰ বাবে নিৰ্বাচনত প্ৰতিদ্বন্দ্বিতা কৰাত নিষেধাজ্ঞা থাকিব। অৱশ্যে যদি কোনো নেতা কেৱল অভিযুক্ত হয় আৰু কাৰাগাৰতো আছে, তেন্তে তেওঁ সাংসদ-বিধায়ক নিৰ্বাচনত প্ৰতিদ্বন্দ্বিতা কৰিব পাৰে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
