অসম লাইভ ২৪ঃ এবছৰ বয়সতে পলিঅ’ ৰোগত আক্ৰান্ত হৈছিল ছোৱালীজনী। বিশেষভাৱে সক্ষম ছোৱালীজনী ভাগি পৰা নাছিল। তাইৰ আছিল প্ৰচুৰ আত্মবিশ্বাস আৰু কিবা এটা কৰাৰ দুৰ্বাৰ হেঁপাহ। সেই ছোৱালীজনীয়েই ৰাষ্ট্ৰীয় ক্ৰিড়া দিৱসৰ দিনা দেশলৈ কঢ়িয়াই আনিলে গৌৰৱ। পেৰালিম্পিকত ৰূপৰ পদক জয়েৰে ৰচিলে ইতিহাস। ছোৱালীজনীৰ সাফল্যত এতিয়া গৌৰৱান্বিত দেশ।
ক’বলৈ ওলাইছো ভাবনা বেন পেটেলৰ কথা। টকিঅ’ত অনুষ্ঠিত পেৰালিম্পিকৰ টেবল টেনিচত ৰূপৰ পদক জয়েৰে ৰাষ্ট্ৰীয় ক্ৰীড়া দিৱসৰ দিনাই ভাবনাই দেশবাসীক দিলে অমূল্য উপহাৰ। ফাইনেলত চীনৰ খেলুৱৈগৰাকীৰ বিৰুদ্ধে ১১-৭, ১১-৫, ১১-৬ত পৰাজিত হ’লেও ৰূপৰ পদক নিজৰ নামত কৰিলে ভাবনাই। ভাবনাৰ এই সাফল্যত শুভেচ্ছা জনাইছে দেশৰ প্ৰধানমন্ত্ৰীৰ লগতে সমগ্ৰ দেশবাসীয়ে। পেডলাৰ ভাবনা এতিয়া সমগ্ৰ দেশবাসীৰ বাবেই প্ৰেৰণাৰ অন্য এক নাম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
