আজিৰে পৰা এই ঠাইত চলিব নোৱাৰিব অলা, উবেৰ, ৰেপিডো! পাছে কিয়?
ভাড়াত পোৱা দুচকীয়া বাহনৰ ক্ষেত্ৰত আহিছে এক বিশেষ সিদ্ধান্ত। আজি ১৬ জুনৰ পৰা দেশৰ এই ঠাইত চলিব নোৱাৰিব অলা, উবেৰ, ৰেপিডো । কৰ্নাটক চৰকাৰৰ এই সিদ্ধান্ত।
কৰ্ণাটক উচ্চ ন্যায়ালয়ৰ পৰা এই আঘাত লাভ কৰিছে ৰেপিডো, অলা আৰু উবেৰৰ দৰে কোম্পানীয়ে। আদালতে কয় যে চৰকাৰে নিয়ম-নিৰ্দেশনা নির্ধাৰণ নকৰালৈকে বাইক টেক্সি চলোৱাটো আইন বিৰোধী৷
বাইক টেক্সিক আইনীভাৱে স্বীকৃতি দিয়াৰ লগতে হালধীয়া নম্বৰ প্লেট থকা বাহনসমূহক পৰিবহণ বাহন হিচাপে পঞ্জীয়ন কৰাৰ দাবীত অলা, উবেৰ ইণ্ডিয়া আৰু ৰেপিডোৱে উচ্চ ন্যায়ালয়ত আবেদন দাখিল কৰিছিল।
কিন্তু আদালতে এই কোম্পানীসমূহৰ অন্তৱৰ্তীকালীন সকাহৰ আবেদন নাকচ কৰে। ন্যায়াধীশ বি.এম. শ্যাম প্ৰসাদৰ বিচাৰপীঠে কয় যে স্পষ্ট নিয়ম অবিহনে বাইক টেক্সি সেৱাক বৈধ বুলি গণ্য কৰিব নোৱাৰি। মটৰ গাড়ী আইনৰ অধীনত বাইক টেক্সিৰ বাবে গাইডলাইন বনাব পৰাকৈ চৰকাৰক তিনি মাহৰ সময় দিছে আদালতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
