বহু জল্পনা-কল্পনাৰ অন্তত বিজেপিয়ে ঘোষণা কৰিলে লোকসভা নিৰ্বাচনৰ প্ৰথমখন প্ৰাৰ্থী তালিকা। ঘোষণা কৰা হ’ল অসমৰ এঘাৰটা সমষ্টিৰ চূড়ান্ত প্ৰাৰ্থী তালিকা। একমাত্ৰ NB NEWS-এ দুদিন পূৰ্বেই প্ৰকাশ কৰিছিল বিজেপিৰ সম্ভাব্য প্ৰাৰ্থী তালিকা। তাৎপৰ্যপূৰ্ণভাবে আখৰে আখৰে মিলিল NB NEWS-এ প্ৰকাশ কৰা সম্ভাব্য প্ৰাৰ্থী তালিকা।
শনিবাৰে সন্ধিয়া বিজেপিয়ে আগন্তুক লোকসভা নিৰ্বাচনৰ বাবে নৰেন্দ্ৰ মোদী সহিতে মুঠ ১৯৫ গৰাকী প্ৰাৰ্থীৰ নাম ঘোষণা কৰে। বাৰাণসীৰ পৰা প্ৰতিদ্বন্দ্বিতা কৰিব নৰেন্দ্ৰ মোদীয়ে। ১৬ খন ৰাজ্য, দুখন কেন্দ্ৰীয়শাসিত অঞ্চলৰ প্ৰাৰ্থী তালিকা প্ৰকাশ কৰে ভাৰতীয় জনতা পাৰ্টীয়ে। ১৯৫ গৰাকী প্ৰাৰ্থীৰ ভিতৰত আছে ২৮ গৰাকী মহিলা।
অসমৰ ১১টা সমষ্টিৰ প্ৰাৰ্থী
কৰিমগঞ্জত কৃপানাথ মাল্লা, শিলচৰত পৰিমল শুক্লবৈদ্য, ডিফুত অমৰছিং টিছ’, গুৱাহাটীত বিজুলী কলিতা মেধি, কাজিৰঙাত কামাখ্যা প্ৰসাদ তাছা, ডিব্ৰুগড়ত সৰ্বানন্দ সোণোৱাল, দৰং-ওদালগুৰিত দিলীপ শইকীয়া, নগাঁৱত সুৰেশ বৰাক প্ৰাৰ্থিত্ব, শোণিতপুৰত ৰঞ্জিত দত্ত, লখিমপুৰত প্ৰদান বৰুৱা, যোৰহাটত তপন গগৈ।
আনহাতে, অৰুণাচল ইষ্টত কিৰেণ ৰিজিজু, অৰুণাচল ৱেষ্টত টাপিৰ গাওক টিকট প্ৰদান কৰা হয়। গান্ধীনগৰৰ পৰা প্ৰতিদ্বন্দ্বিতা কৰিব অমিত শ্বাহে। লক্ষ্ণৌত ৰাজনাথ সিং, আমেথিত স্মৃতি ইৰাণীক প্ৰাৰ্থিত্ব দিয়া হৈছে। নতুন দিল্লীত সুষমা স্বৰাজৰ কন্যা বাঁসুৰী স্বৰাজক প্ৰাৰ্থিত্ব প্ৰদান কৰিছে বিজেপিয়ে। গুণা সমষ্টিত বিজেপিৰ প্ৰাৰ্থী জ্যোতিৰাদিত্য সিন্ধিয়া।
অসমৰ বৰ্তমানৰ ৫জনকৈ সাংসদক দিয়া নহ’ল প্ৰাৰ্থিত্ব। কেন্দ্ৰীয় মন্ত্ৰী ৰামেশ্বৰ তেলীয়ে হেৰুৱালে ডিব্ৰুগড়ৰ প্ৰাৰ্থিত্ব। গুৱাহাটীত প্ৰাৰ্থিত্বৰ পৰা বঞ্চিত হ’ল সাংসদ কুইন ওজা। প্ৰাৰ্থিত্ব হেৰুৱালে তেজপুৰৰ সাংসদ পল্লৱ লোচন দাসে। ডিফুৰ সাংসদ হৰেনছিং বে’কো দিয়া নহ’ল প্ৰাৰ্থিত্ব। প্ৰাৰ্থিত্বৰ পৰা বঞ্চিত হ’ল শিলচৰৰ সাংসদ ৰাজদীপ ৰয়। ২০১৯তো ৫জনকৈ সাংসদক বঞ্চিত কৰা হৈছিল প্ৰাৰ্থিত্বৰ পৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
