ডিজিটেল ডেস্কঃ এতিয়া সৰ্বত্ৰে এনিমেলৰ চৰ্চা। ৰণবীৰ কাপুৰ, ববী দেউলৰ অভিনয়ৰ চৰ্চা এতিয়া কেউদিশে। বৰ্তমান ১০০০কোটি ক্লাৱত প্ৰৱেশ কৰা প্ৰায় ৩ঘন্টাৰো অধিক দৈৰ্ঘ্যৰ ছবিখনত ববি দেউলে অভিনয় কৰিছে মাত্ৰ ১৩মিনিট। কিন্তু এই কম সময়ৰ ভিতৰতে ববী দেউলে নিজৰ অভিনয়ৰ দক্ষতাৰে সকলোৰে দৃষ্টি আকৰ্ষণ কৰিবলৈ সক্ষম হৈছে। এটাও সংলাপ নথকাকৈ ববী দেউলে ছবিখনত ভিলেইনৰ চৰিত্ৰ ইমান সুন্দৰকৈ উপস্থাপন কৰিছে যে, এতিয়া অভিনেতাগৰাকীলৈ আহিছে বহু বিগ বাজেটৰ ছবিৰ অফাৰ।
শেহতীয়াকৈ অভিনেতাগৰাকীলৈ আহিছে দক্ষিণৰ এখন বিগ বাজেটৰ ছবিত অভিনয়ৰ অফাৰ। ইতিমধ্যে ছবিখনৰ কাহিনী আৰু স্কিপ্ট পঢ়ি প্ৰায় সন্মতি প্ৰদান কৰিছে অভিনেতাগৰাকীয়ে। উক্ত ছবিখনত দক্ষিণৰ মেগা ষ্টাৰ নন্দমুৰী বালকৃষ্ণৰ বিপৰীতে অভিনয় কৰিব ববী দেউলে। ছবিখনৰ নাম এতিয়ালৈকে প্ৰকাশ কৰা নাই প্ৰযোজক-পৰিচালকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
