দেশ-অভিনয় সকলো এৰি পত্নীৰ ইংলেণ্ডেই হ’ব স্থায়ী ঠিকনা, কোহলীয়ে নিজেই কৰিলে সদৰি
দীৰ্ঘদিন ধৰি চিনেমাৰ পৰা আঁতৰি আছে বলীউডৰ অন্যতম সফল অনুষ্কা শৰ্মা। পাছে ব্যক্তিগত জীৱনৰ সন্দৰ্ভত শিৰোনামত আছে। এইকেইদিন অনুষ্কাই ক্ৰিকেটাৰ স্বামী বিৰাট কোহলীৰ সৈতে দ্বিতীয় সন্তানৰ আগমণ উপভোগ কৰি আছে।
শেহতীয়াকৈ তেওঁলোকে লণ্ডনত দ্বিতীয় সন্তান আকায়ক আদৰণি জনাইছে। অৱশ্যে এতিয়ালৈকে দম্পতীহালে নিজৰ কন্যা বামিকা আৰু পুত্ৰ আকায়ৰ চেহেৰা দেখুৱা নাই সামাজিক মাধ্যম তথা কোনো লোককে।
এই সকলোবোৰৰ মাজতে ভাইৰেল হৈ পৰিছে বিৰাটৰ এটা ভিডিঅ’, য’ত বিৰাটে অৱসৰৰ কথা কোৱা দেখা গৈছে। ভিডিঅ’টোত এটা ইংগিতও দিছে যে তেওঁ ল’ৰা-ছোৱালী আৰু পত্নী অনুষ্কাৰ সৈতে লণ্ডনলৈ স্থানান্তৰিত হ’ব পাৰে।
এতিয়া যেতিয়া সন্তানো লণ্ডনলৈ স্থানান্তৰিত হ’ব, তেতিয়া স্পষ্ট হৈ পৰিছে অনুষ্কা শৰ্মাইও স্বামী আৰু সন্তানৰ সৈতে স্থানান্তৰিত হ’ব। অৱশ্যে এই সন্দৰ্ভত এতিয়ালৈকে কোনো আনুষ্ঠানিক তথ্য প্ৰকাশ কৰা হোৱা নাই।
উল্লেখ্য যে, বিৰাট কোহলী বৰ্তমান আই পি এল ২০২৪ত ব্যস্ত। শেহতীয়াকৈ লণ্ডনৰ পৰা পুত্ৰ অকাইৰ সৈতে উভতি আহিছে অনুষ্কা শৰ্মা। লণ্ডনত পুত্ৰৰ জন্মৰ বাবে অনুষ্কা তালৈ স্থানান্তৰিত হ’ব পাৰে বুলি জল্পনা-কল্পনাৰ সৃষ্টি হৈছিল। এতিয়া বিৰাটৰ ভিডিঅ’ই সেই জল্পনা-কল্পনাক ইন্ধন যোগাইছে।
ভাইৰেল হোৱা ভিডিঅ’ অনুসৰি বিৰাট কোহলীয়ে কৈছে, ‘এজন খেলুৱৈ হিচাপে আমাৰ কেৰিয়াৰৰ ম্যাদ উকলি যায়। মই মাত্ৰ বৰ্তমানে কাম কৰি আছো, চিৰদিনৰ বাবে খেলিব নোৱাৰো। যেতিয়ালৈকে মই খেলি আছো, মই মোৰ সকলোখিনি দিম, কিন্তু এবাৰ খেলা শেষ হ’লে মই হঠাতে নোহোৱা হৈ যাম, মোক কিছু সময়ৰ বাবে দেখা নাপাবা।’
https://x.com/Prasang_/status/1790958072506286543
এতিয়া বিৰাটৰ এই ভিডিঅ’ ভাইৰেল হোৱাৰ পিছত অনুষ্কা শৰ্মাও বিৰাটৰ সৈতে বহিঃৰাজ্যলৈ স্থানান্তৰিত হ’ব বুলি জল্পনা-কল্পনাৰ সৃষ্টি হৈছে। যিয়েই নহওক অনুষ্কাই নিজেই বহুবাৰ ইংগিত দিছে যে তাইৰ পৰিয়ালটোৱেই তাইৰ বাবে সকলো। বিশেষকৈ তেওঁলোকৰ সন্তান। মনত পেলাওক, টাইমছ নাওৰ সৈতে হোৱা এক সাক্ষাৎকাৰত অনুষ্কা শৰ্মাই কন্যা বামিকাৰ কথা কওঁতে কৈছিল যে তেওঁৰ শৈশৱ চকুৰ সন্মুখত দেখি ভাল লাগে। এনে পৰিস্থিতিত তাই তাৰ বাবে যিকোনো সিদ্ধান্ত ল’ব পাৰে যিটো তাইৰ বাবে নতুন নহ’ব। এতিয়া লক্ষণীয় হ’ব স্বামী বিৰাটৰ অৱসৰৰ পাছত অনুষ্কাই অভিনয় কেৰিয়াৰ এৰিব নেকি? অৱশ্যে বিৰাটৰ এই ভিডিঅ’টোৱে তেওঁৰ অনুৰাগীৰ হৃদয় ভাঙি পেলাইছে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
