বৰ্তমান সোণৰ দাম বহু পৰিমাণে বৃদ্ধি পাইছে৷ মধ্যপ্ৰাচ্যৰ উত্তপ্ত পৰিস্থিতিৰ বাবে প্ৰধানমন্ত্ৰী মোদীয়ে আমাৰ দেশতো এবছৰৰ বাবে সোণ ক্ৰয় নকৰিবলৈ জনতাক আহ্বান জনাইছে৷ তথাপিও সোণক লৈ সকলোৰেই আছে বিশেষ দুৰ্বলতা৷ মোটা অংকৰ ধন খৰচ কৰি সোণ কিনিব সকলোৱে নোৱাৰে বাবেই বহুতেই জানিব খোজে বাহন, ঘৰ আদি ক্ৰয় কৰাৰ দৰে সোণ EMI ত ক্ৰয় কৰিব পাৰিনে? ইয়াৰ উত্তৰ একেষাৰেই হাঁ বুলি ক’ব পাৰি৷ এতিয়া দেশৰ বেছিভাগ ডাঙৰ ডাঙৰ জুৱেলাৰি সংস্থা আৰু বেংকে ইএমআইৰ সুবিধাৰে সোণ কিনাৰ সুযোগ দিছে৷
কেনেকৈ EMIত সোণ কিনিব?
সাধাৰণতে দুইধৰণে EMIত সোণ কিনা সম্ভৱ৷
১. ক্ৰেডিট কাৰ্ড EMI- সকলোতকৈ সহজ আৰু জনপ্ৰিয় পদ্ধতি৷ বহু জুৱেলাৰি দোকানে ক্ৰেডিট কাৰ্ডৰ মাধ্যমেৰে ৩মাহ, ৬মাহ, ৯মাহ বা ১২ মাহৰ EMI অপশ্ব্যন দিয়ে৷ নিৰ্দিষ্ট অংকতকৈ বেছি ক্ৰয় বিক্ৰয় কৰিলে এই সুবিধা পোৱা যায়৷
২. জুৱেলাৰী দোকানৰ নিজস্ব স্কিমঃ কিছু ডাঙৰ ডাঙৰ জুৱেলাৰি ব্ৰেণ্ডে মাহিলী জমা স্কিম চলায়৷ নিৰ্দিষ্ট সময় ধন জমা কৰাৰ পাছত সেই অৰ্থৰে সোণ কিনিব পাৰে৷ এইক্ষেত্ৰত অতিৰিক্ত বোনাছো দিয়া হয়৷ EMI ত সোণ কিনাৰ সুবিধাৰ সৈতে একেলগে বৃহৎ অংকৰ টকা খৰচ হোৱাৰ পৰা ৰক্ষা পৰে গ্ৰাহক৷
EMI ত সোণ কিনাৰ সুবিধা যেনেকৈ আছে তেনেকৈ অসুবিধাও আছে
সুদৰ চাপঃ সকলো ইএমআই কিন্তু ন কষ্ট নহয়৷ বহুক্ষেত্ৰত ১২ শতাংশৰ পৰা ১৮ শতাংশ পৰ্যন্ত সুদ দিব লগা হ’ব পাৰে৷
Processing fee, GST- সোণ ইএমআইত ল’লে আপুনি অন্য লোনৰ দৰে ইয়াতো Processing fee, GST আদি দিব লগা হ’ব পাৰে৷
ঋণৰ বোজা- ইএমআই মিচ কৰিলে ক্ৰেডিট স্কোৰ বেয়া হ’ব পাৰে৷ ফলত ভৱিষ্যতে ঋণ পোৱাত সমস্যা হ’ব পাৰে৷
সোণ ক্ৰয়ৰ পূৰ্বে কি কি বিষয়ত গুৰুত্ব দিব?
Hallmark যুক্ত সোণ কিনিছে নে সেয়া নিশ্চিত কৰিব৷ ইএমআইৰ সুদৰ হাৰ ভালকৈ জানি ল’ব৷ মুঠ কিমান টকা উভতাই দিব লগা হ’ব সেই হিচাপ কৰি ল’ব৷ মাহিলী আয়ৰ সৈতে সামঞ্জস্য থাকিলে ইএমআই লওক অফাৰ চাই নহয়৷ প্ৰয়োজনবোধ কৰিলেহে সোণ কিনিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
