অনুষ্ঠান প্ৰায় শেষৰ দিশে৷ সকলোৰে মনত আছিল এটাই দুখ, কাঁ শেষ হ’বৰ হ’ল কিয় এইবাৰ কাঁৰ মঞ্চত দেখা নগ’ল ঐশ্বৰ্য্য ৰায় বচ্চনক? ২২ মে’ত ঐশ্বৰ্য ৰায় বচ্চনে অৱশেষত ফ্ৰান্সৰ সৰ্ববৃহৎ কাঁ ফেষ্টিভেলৰ ৰেড কাৰ্পেটত খোজ পেলালে৷ নীলা গাউন পৰিধান ধৰি কেমেৰাৰ সন্মুখত ধৰা দিলে ঐশ্বৰ্যই৷ সকলো যেন তেওঁৰ বাবেই ৰৈ আছিল৷ মুহূৰ্ততে সামাজিক মাধ্যমত ভাইৰেল ঐশ্বৰ্য্যৰ ছবি৷ বহুতেই এই ছবি দেখা মাত্ৰকেই লিখিছে, ঐশ্ব্যৰ্য অবিহনে কাঁ ফেষ্টিভেলো যেন আধৰুৱা৷
ঐশ্বৰ্য্যই তেওঁৰ কন্যা আৰাধ্যাৰ সৈতে ফ্ৰান্সলৈ গৈছে৷ দুয়োৱে একেলগে মুম্বাই এৰাৰ সময়ৰ বিশেষ আলোকচিত্ৰও ভাইৰেল হৈ আছে৷ ফ্ৰান্সত উপস্থিত হৈয়েই আন এক চমক দিছে ঐশ্ব্যৰ্যই৷ ফ্ৰান্সৰ কাঁ চলচ্চিত্ৰ মহোৎসৱত এইবাৰ তেওঁ অকলে নহয়, লাইমলাইট কাঢ়িছে তেওঁৰ ১৪ বছৰীয়া কন্যা আৰাধ্যা বচ্চনেও৷ ইমানদিনে মাতৃৰ হাতত ধৰি কাঁত চিনেমা চাই ঘূৰি ফুৰিলেও এইবাৰ প্ৰথমবাৰৰ বাবে অফিচিয়েলি ৰেড কাৰ্পেটত অভিষেক ঘটিছে আৰাধ্যাৰ৷ মাতৃ-কন্যাৰ উপস্থিতিয়ে অনুৰাগীৰো মন জয় কৰিবলৈ সক্ষম হৈছে৷ দেশী বিদেশী কেমেৰাত ঐশ্ব্যৰ্য আৰু কন্যাৰ ছবি৷ এই তথ্য বিদেশী বিভিন্ন পৰ্টেল চায়েই ধৰিব পাৰি যে ঐশ্ব্যৰ্যৰ চৰ্চা বিদেশতো আছে৷
কাঁ উৎসৱত ঐশ্ব্যৰ্য মানেই যে চমক সেয়া পৃথককৈ কোৱাৰ প্ৰয়োজন নাই৷ ব্লু চকুৰে ব্লু গাউন পিন্ধি কেমেৰাৰ সন্মুখত চমক দিয়াৰ পাছতেই সন্ধিয়া তেওঁক পুনৰ দেখা গ’ল গোলপীয়া গাউনত৷ বিখ্যাত ফেশ্ব্যন ডিজাইনাৰ ছোফি কুচুৰে তৈয়াৰ কৰা পোছাকত ঐশ্ব্যৰ্যক দেখাত কোনো বাৰ্বি ডলতকৈ কমো লগা নাই৷ তেওঁৰ মায়াবী চকু আৰু ৰাজকীয় চালচলনে আকৌ এবাৰ প্ৰমাণ কৰিলে যে বয়স বাঢ়িলেও ৰূপৰ জাদু এতিয়াও কমা নাই৷
এই অনুষ্ঠানতেই অভিষেক ঘটিছে কন্যা আৰাধ্যা বচ্চনৰো৷ সাধাৰণতে কাঁত তাৰকাসকলৰ সন্তানক এনেকৈ অফিচিয়েলি এন্ট্ৰি দিয়া দেখা নাযায়৷ কিন্তু এইবাৰ আৰাধ্যই সেই ট্ৰেণ্ড সলনি কৰিলে৷ আত্মবিশ্বাসৰ সৈতে কেমেৰাৰ সন্মুখত প’জ দিলে আৰাধ্যাইয়ো৷ তেওঁ পৰিধান কৰিছিল ৰঙা ৰঙৰ চাটিন গাউন আৰু খোলা চুলিৰে লাইট মেকআপ৷ বিগত ২০ বছৰ ধৰি কাঁৰ মঞ্চত ভাৰতৰ নাম উজ্জ্বল কৰি আহিছে ঐশ্বৰ্যই৷ এইবাৰ কন্যাৰো ডেবিউ কৰিছে কাঁত৷ যোগ্য মাতৃৰ যোগ্য সন্তান বুলি বহুতেই আৰাধ্যাৰ প্রশংসাও কৰিছে৷ সকলো মিলি আকৌ এবাৰ মুঠতে ভাৰতীয় সকলো তাৰকাক চেৰ পেলাই ফ্ৰান্সৰ কাঁত উজলি উঠিছে ঐশ্ব্যৰ্য ৰায় বচ্চন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
