CBSE 12th Result 2026 Declared: প্ৰায় ১৮ লাখ চিবিএছই দ্বাদশ শ্ৰেণীৰ ছাত্ৰ-ছাত্ৰীৰ বাবে অপেক্ষা এতিয়া শেষ। কেন্দ্ৰীয় মাধ্যমিক শিক্ষা ব’ৰ্ডে প্ৰকাশ কৰিছে দ্বাদশ শ্ৰেণীৰ ফলাফল। এই বছৰ পৰীক্ষাত অৱতীৰ্ণ হোৱা ছাত্ৰ-ছাত্ৰীসকলে এতিয়া অফিচিয়েল ৱেবছাইট results.cbse.nic.in আৰু cbseresults.nic.in, DigiLocker, আৰু Umang এপৰ জৰিয়তে নিজৰ ফলাফল সহজেই পৰীক্ষা কৰিব পাৰিব। ছাত্ৰ-ছাত্ৰীৰ সুবিধাৰ্থে অনলাইন মাৰ্কশ্বীট ডাউনলোডৰ ব্যৱস্থাও কৰিছে ব’ৰ্ডে। ছাত্ৰ-ছাত্ৰীসকলে তেওঁলোকৰ ৰোল নম্বৰ আৰু অন্যান্য প্ৰয়োজনীয় তথ্য ব্যৱহাৰ কৰি যিকোনো ঠাইৰ পৰা নিজৰ ফলাফল পৰীক্ষা কৰিব পাৰিব।
ফলাফল অফিচিয়েল ৱেবছাইটত উপলব্ধ
চিবিএছই ব’ৰ্ডে অনলাইনযোগে প্ৰকাশ কৰিছে দ্বাদশ শ্ৰেণীৰ ফলাফল। পৰীক্ষা দিয়া ছাত্ৰ-ছাত্ৰীসকলে এতিয়া result.cbse.nic.in আৰু cbseresults.nic.in ত গৈ ফলাফল পৰীক্ষা কৰিব পাৰিব। ফলাফলৰ সমান্তৰালকৈ ছাত্ৰ-ছাত্ৰীসকলে ডাউনলোড কৰিব পৰাকৈ ডিজিটেল মাৰ্ক শ্বীটও উপলব্ধ কৰা হৈছে।
DigiLocker ৰ পৰা marksheet কেনেকৈ চাব
ডিজিলকাৰৰ জৰিয়তেও ছাত্ৰ-ছাত্ৰীসকলে নিজৰ ডিজিটেল মাৰ্কশ্বীট ডাউনলোড কৰিব পাৰিব। ইয়াৰ বাবে প্ৰথমে DigiLocker ৱেবছাইট বা এপ খুলি পঞ্জীয়নভুক্ত মোবাইল নম্বৰ বা আধাৰ ব্যৱহাৰ কৰি লগ ইন কৰক। তাৰ পিছত, CBSE অংশলৈ গৈ CBSE Class 12 Result 2026 বিকল্পটো নিৰ্বাচন কৰক। প্ৰয়োজনীয় তথ্য প্ৰৱেশ কৰি জমা দিব। তাৰ পিছত স্ক্ৰীণত ফলাফল ওলাব, যিটো ডাউনলোড কৰিব পাৰিব।
উমং এপতো উপলব্ধ এই ফলাফল
উমং এপৰ জৰিয়তেও চিবিএছইয়ে ফলাফলৰ সুবিধা প্ৰদান কৰিছে। ছাত্ৰ-ছাত্ৰীসকলে প্লে ষ্ট’ৰ বা এপ ষ্ট’ৰৰ পৰা UMANG এপ ডাউনলোড কৰিব পাৰিব। লগ ইন কৰাৰ পিছত CBSE অংশলৈ গৈ আপোনাৰ বিৱৰণ দিয়ক। জমা দিয়াৰ লগে লগে আপোনাৰ ফলাফল পৰ্দাত ওলাব।
উত্তীৰ্ণ হ’বলৈ কিমান নম্বৰ লাগে?
চিবিএছইৰ দ্বাদশ পৰীক্ষাত উত্তীৰ্ণ হ’বলৈ ছাত্ৰ-ছাত্ৰীয়ে প্ৰতিটো বিষয়ত কমেও ৩৩ শতাংশ নম্বৰ লাভ কৰিব লাগিব। এই নম্বৰটো তত্ত্ব আৰু ব্যৱহাৰিক দুয়োটাকে একত্ৰিত কৰি নিৰ্ণয় কৰা হয়। যদি কোনো ছাত্ৰই এটা বিষয়তো নূন্যতম নম্বৰ লাভ কৰিব নোৱাৰে তেন্তে সামগ্ৰিকভাৱে ভাল নম্বৰ থাকিলেও সেই বিষয়ত তেওঁক ব্যৰ্থ বুলি গণ্য কৰা হ’ব।
পূৰ্বৰ বছৰৰ উত্তীৰ্ণৰ শতাংশ পৰীক্ষা কৰক
২০২৫- ৮৮.৩৯%
২০২৪- ৮৭.৯৮%
২০২৩ -৮৭.৩৩%
২০২২- ৯২.৭১%
২০২১- ৯৯.৩৭%
২০২০ -৮৮.৭৮%
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
