বহুদিন ধৰি অষ্টম পে কমিছনক লৈ জল্পনা চলিছে৷ একাধিক ৰিপৰ্টে দাবী কৰিছে যে শীঘ্ৰেই কেন্দ্ৰৰ অষ্টম পে কমিছনক লৈ ডাঙৰ ঘোষণা কৰিছে কেন্দ্ৰই৷ সম্প্ৰতি অষ্টম পে কমিছন গঠনৰ দাবীত কেন্দ্ৰীয় চৰকাৰৰ সৈতে চৰকাৰী কৰ্মীসকলৰ প্ৰতিনিধি বৈঠক অনুষ্ঠিত হয়৷ যাক লৈ জল্পনা তুংগত উঠিছে৷
এই পৰিস্থিতিত নেশ্ব্যনেল কাউন্সিল অফ জয়েণ্ট কনছাল্টেটিভ মেছিনাৰিৰ সচিব শিৱ গোপাল মিশ্ৰৰ দাবী যে, ফিটমেণ্ট ফেক্টৰ বৃদ্ধি কৰা উচিত৷ গোপাল মিশ্ৰৰ দাবী, এইবাৰ ফিটমেণ্ট ফেক্টৰ ২.৮৬ কৰা উচিত৷ কেন্দ্ৰীয় চৰকাৰী কৰ্মীসকলৰ নূন্যতম দৰমহা বহু পৰিমানে বৃদ্ধি পাব পাৰে৷ ১৭, ৯৯০ টকাৰ পৰা বাঢ়ি ৫১, ৪৫১ টকা হ’ব পাৰে চৰকাৰী কৰ্মীসকলৰ নূন্যতম দৰমহা৷ উল্লেখ্য যে পূৰ্বে সপ্তম দৰমহা কমিছনত ফিটমেণ্ট ফেক্টৰ বৃদ্ধি হৈছিল৷
সপ্তম পে কমিছন গঠনৰ সময়ত ফিটমেণ্ট ফেক্টৰ বাঢ়ি ২.৫৭ হৈছিল৷ সেই সময়ত নূন্যতম দৰমহা ৭ হাজাৰ টকাৰ পৰা বাঢ়ি ১৭ হাজাৰ টকা কৰা হৈছে৷ প্ৰসংগত প্ৰতি ১০ বছৰৰ অন্তৰে অন্তৰে এই কেন্দ্ৰীয় কমিছন গঠন কৰা হয়৷ ইয়াৰপূৰ্বে ২০১৪ চনৰ ২৮ ফেব্ৰুৱাৰীত সপ্তম দৰমহা কমিছন গঠন কৰা হৈছিল৷ সেই সময়ৰ সিদ্ধান্ত ২০১৬ চনৰ ১ জানুৱাৰীৰ পৰা কাৰ্যকৰী হয়৷ এইবাৰ ১০ বছৰ পাছত অৰ্থাৎ ২০২৬ চনৰ জানুৱাৰীৰ পৰা অষ্টম কেন্দ্ৰীয় দৰমহা কমিছন আৰম্ভ কৰাৰ প্ৰস্তাৱ দিয়া হৈছে৷
সপ্তম পে কমিছন গঠনৰ সময়ত আন্তৰ্জাতিক শ্ৰম কমিছনৰ বিধি আৰু ডঃ এইক্ৰয়ডৰ ফৰ্মুলাৰ ভিত্তিত ২৬ হাজাৰ টকা মাহিলী নূন্যতম বেতনৰো দাবী জনোৱা হৈছিল যদিও তাত সন্মতি প্ৰদান কৰা নাই কমিছনে৷ মাহিলী নূন্যতম দৰমহা মাত্ৰ ১৮ হাজাৰ টকা ৰখা হৈছিল সেই সময়ত৷ সেই হিচাপ মতে অষ্টম পে কমিছনত চৰকাৰী কৰ্মীসকলৰ নূন্যতম মূল দৰমহা বা বেছিক পে ১৮ হাজাৰৰ পৰা বাঢ়ি ৩৪ হাজাৰ ৫৬০ টকা হোৱাৰ সম্ভাৱনা আছে৷ যদিও এই বিষয়ে এন ডি টিভিত দিয়া এক সাক্ষাৎকাৰত শিৱ গোপাল মিশ্ৰই কয়, ‘যিসকলে কৈছে যে নূন্যতম দৰমহা বাঢ়ি ৩৪-৩৫ হাজাৰ হ’ব পাৰে সেয়া ভিত্তিহীন৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
