পাকিস্তানৰ পৰা কাঢ়ি লোৱা হ’ব পাৰে চেম্পিয়নছ ট্ৰফীৰ আয়োজকৰ দায়িত্ব
আইচিচি চেম্পিয়নছ ট্ৰফী ২০২৫ৰ পূৰ্বে এক ডাঙৰ তথ্য প্ৰকাশ পাইছে। চেম্পিয়নছ ট্ৰফীৰ আয়োজকৰ অধিকাৰ হয়তো পাকিস্তানৰ পৰা কাঢ়ি লোৱা হ’ব পাৰে। পাকিস্তানৰ সলনি সংযুক্ত আৰব আমিৰশ্বাহীয়ে পাব পাৰে সম্পূৰ্ণ দায়িত্ব।
সংবাদ মাধ্যমৰ খবৰ অনুসৰি এতিয়ালৈকে পাকিস্তানৰ ৩ খন ষ্টেডিয়ামৰ কাম সম্পূৰ্ণ হৈ উঠা নাই। এই ষ্টেডিয়ামসমূহৰ নিৰ্মাণৰ কাম এতিয়াও চলি আছে। ২০২৪ চনৰ আগষ্ট মাহত আইচিচি চেম্পিয়নছ ট্ৰফীৰ বাবে পাকিস্তানৰ ৩খন ষ্টেডিয়াম নিৰ্মাণৰ কাম আৰম্ভ হৈছিল, ৩১ ডিচেম্বৰৰ ভিতৰত সম্পূৰ্ণ হ’ব লাগিছিল যদিও পাকিস্তান আৰু পিচিবিৰ দায়িত্বজ্ঞানহীনতাৰ বাবে সেয়া আজি পৰ্যন্ত সম্পূৰ্ণ হৈ উঠা নাই।
যাৰ বাবে এতিয়া পাকিস্তান ক্ৰিকেট ব’ৰ্ডে বহন হেৰুাবলগীয়া হ’ব পাৰে আয়োজকৰ দায়িত্ব। কাৰণ আই চি চি চেম্পিয়নছ ট্ৰফী আৰম্ভ হ’বলৈ বাকী আছে মাত্ৰ ৩৫ দিন।
অনুমান কৰা হৈছে যে আই চি চিয়ে যদি পাকিস্তানৰ হাতৰ পৰা চেম্পিয়নছ ট্ৰফীৰ আয়োজকৰ দায়িত্ব কাঢ়ি লয়, তেন্তে সংযুক্ত আৰব আমিৰশ্বাহীয়ে আয়োজন কৰাৰ সুযোগ পাব পাৰে।
অৱশ্যে ইয়াৰ পূৰ্বে আইচিচিয়ে পাকিস্তান ক্ৰিকেট ব’ৰ্ডক এক আলটিমেটাম দিছে। য’ত কোৱা হৈছে যে যিকোনো ক্ষেত্ৰতে অসম্পূৰ্ণ ষ্টেডিয়ামৰ কাম ২৫ জানুৱাৰীৰ ভিতৰত সম্পূৰ্ণ হ’ব লাগিব। ইয়াৰ পিছত আইচিচিৰ বিষয়াসকলে এই ষ্টেডিয়ামসমূহৰ বুজ ল’ব। তাৰ পিছত তেওঁ নিজৰ প্ৰতিবেদনত ক’ব যে ষ্টেডিয়ামখন প্ৰতিযোগিতাখন আয়োজন কৰিবলৈ সাজু হৈছে নে নাই।
উল্লেখ্য যে, ১৯ ফেব্ৰুৱাৰীৰ পৰা আৰম্ভ হ’ব আই চি চি চেম্পিয়নছ ট্ৰফী। প্ৰথমখন খেলত পাকিস্তান আৰু নিউজিলেণ্ডৰ দলে মুখামুখি হ’ব। আনহাতে ভাৰতীয় দলটোৱে ২২ ফেব্ৰুৱাৰীত বাংলাদেশৰ বিৰুদ্ধে অভিযান আৰম্ভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
