চেম্পিয়নছ ট্ৰফী ২০২৫: কিয় পলম হৈছে ভাৰতীয় দলৰ প্লেয়িং ইলেভেন ঘোষণাত
নিউজিলেণ্ড আৰু অষ্ট্ৰেলিয়াই ইতিমধ্যে চেম্পিয়নছ ট্ৰফী ২০২৫ৰ বাবে নিজ নিজ দল ঘোষণা কৰিছে। পাছে আনহাতে এই প্ৰতিযোগিতাৰ বাবে বৰ্তমানলৈকে টিম ইণ্ডিয়াই নিজৰ প্লেয়িং ১১ ঘোষণা কৰা নাই যদিও অনুৰাগীসকলে আগ্ৰহেৰে অপেক্ষা কৰি আছে ভাৰতীয় দলৰ দলৰ বাবে।
আনহাতে বিচিচিআইয়ে দল ঘোষণা কৰিবলৈ আইচিচিক আৰু অলপ সময় বিচাৰিছে। কাৰণ, টিম ইণ্ডিয়াৰ ঘোষণাত ইমান পলম হোৱাৰ কাৰণটোও চৰ্চালৈ আহিছে।
পাছে এই দলৰ পৰা আঁতৰত থকাৰ সম্ভাৱনা জশপ্ৰিত বুমৰাহৰ। অষ্ট্ৰেলিয়াৰ সৈতে খেলা বৰ্ডাৰ গাভাস্কাৰ ট্ৰফীৰ অন্তিমখন খেলত আঘাতপ্ৰাপ্ত হৈছিল টিম ইণ্ডিয়াৰ আটাইতকৈ শক্তিশালী বলাৰ বুমৰাহ। ছিডনী টেষ্টৰ দ্বিতীয় ইনিংছতো বুমৰাহে বলিং কৰিব নোৱাৰিলে।
বেক স্পাজমৰ বাবে বুমৰাহে বলিং কৰিব পৰা নাছিল। প্ৰকাশিত তথ্য অনুসৰি মাৰ্চ মাহৰ প্ৰথম সপ্তাহৰ ভিতৰত বুমৰাহ ফিট হ’ব । অৰ্থাৎ বুমৰাহ চেম্পিয়নছ ট্ৰফীৰ প্ৰাৰম্ভিক মেচত অংশ ল’ব নোৱাৰিব পাৰে।
আনহাতে স্পিন বলাৰ কুলদীপ যাদৱো আঘাতৰ বাবে দলৰ পৰা আঁতৰত আছে। সুস্থ হৈ উঠিলেও অৱশ্যে কুলদীপে এতিয়াও এল চি এৰ পৰা ফিটনেছ ক্লিয়াৰেন্স লাভ কৰা নাই।
কুলদীপ যাদৱে যোৱা বছৰ নিউজিলেণ্ডৰ বিৰুদ্ধে অন্তিমখন খেল খেলিছিল, সেই সময়ত তেওঁ পিঠিত আঘাত পাইছিল আৰু তেতিয়াৰ পৰা তেওঁ টিম ইণ্ডিয়াৰ পৰা আঁতৰি আছে।
এতিয়া নিৰ্বাচকসকলে এই দুজন খেলুৱৈ ফিট হোৱাৰ বাবে অপেক্ষা কৰি আছে। যাৰ বাবে চেম্পিয়নছ ট্ৰফী সন্দৰ্ভত টিম ইণ্ডিয়াৰ ঘোষণাত পলম হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
