অসম লাইভ ২৪ঃ চত্তীশগড়ৰ বিজাপুৰত ১০দিনৰ ভিতৰত দ্বিতীয়টো নক্সালবাদীৰ আক্ৰমণ সংঘটিত হয়। নিৰাপত্তাৰক্ষী আৰু নক্সালবাদীৰ মাজত চলা মুখামুখি সংঘৰ্ষত নিহত হয় ৫ গৰাকী নিৰাপত্তাৰক্ষী জোৱান। তাৰে ৩গৰাকী DRG জোৱান আৰু ২গৰাকী CRPF জোৱান। বৰ্তমানে সন্ধানহীন হৈ আছে ২১ গৰাকী নিৰাপত্তাৰক্ষীৰ জোৱান। সংঘৰ্ষত শ্বহীদ হ’ল অসমৰ বীৰ সন্তান বাবলু ৰাভা। দুধনৈৰ দামৰাৰ বাবলু ৰাভা আছিল অৰ্ধ-সামৰিক বাহিনীৰ জোৱান। জোৱানগৰাকীৰ মৃত্যুৰ খবৰে শোকাকুল পৰিবেশৰ সৃষ্টি কৰিছে দুধনৈত। শনিবাৰে বিয়লি বিজাপুৰত সংঘটিত হয় নিৰাপত্তাৰক্ষী আৰু নক্সালবাদীৰ মাজত মুখামুখি সংঘৰ্ষ। ১৫গৰাকী নক্সালবাদীৰ মৃত্যু হয় সংঘৰ্ষত। ভাৰতীয় সেনাৰ ক’বৰা কামাণ্ডোৰ ১জন জোৱানৰ মৃতদেহ উদ্ধাৰ হয় ঘটনাস্থলীত। এগৰাকী মহিলা নক্সালৰ মৃত্যু হৈছে সংঘৰ্ষত। আহত ২৪গৰাকী সেনা জোৱান বিজাপুৰ হাস্পতালত চিকিৎসাধীন অৱস্থাত আছে। পূৰ্বে ২৩ মাৰ্চত বিজাপুৰত আক্ৰমণ সংঘটিত কৰিছিল নক্সালবাদীয়ে। ৫ জোৱানৰ শ্বহীদত শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে। টুইটযোগে প্ৰধানমন্ত্ৰীগৰাকীয়ে কয়, ‘৫ শ্বহীদ জোৱানৰ পৰিয়াললৈ মোৰ সমবেদনা জ্ঞাপন কৰিলো। বীৰ শ্বহীদৰ বলিদান কেতিয়াও পাহৰিব নোৱাৰি। আহতসকলৰ সু-স্বাস্থ্য কামনা কৰিলো। ’
My thoughts are with the families of those martyred while fighting Maoists in Chhattisgarh. The sacrifices of the brave martyrs will never be forgotten. May the injured recover at the earliest.
— Narendra Modi (@narendramodi) April 3, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
