অসম লাইভ২৪ঃ
অসম আৰক্ষী সষ্টম হৈছে৷ মাটিৰ দালাল, জিলা পৰিবহন বিষয়াৰ কাৰ্যালয়ৰ দালালৰ পাছত এইবাৰ অবৈধ স্বামীৰ বিৰুদ্ধে অভিযানত নামিছে অসম আৰক্ষী৷
মুখ্যমন্ত্ৰী হিমন্ত বিশ্ব শৰ্মা চৰকাৰে এইবাৰ লক্ষ্য কৰি লৈছে অবৈধ স্বামীক।
বাল্য বিবাহ ৰোধ কৰাৰ স্বাৰ্থত মুখ্যমন্ত্ৰী ড০ হিমন্ত বিশ্ব শৰ্মাই শেহতীয়াকৈ কঠোৰ পদক্ষেপ গ্ৰহণ কৰাৰ কথা ঘোষণা কৰিছিল।
বৃহস্পতিবাৰে টুইটাৰৰ জৰিয়তে কোন জিলাত কিমান অবৈধ স্বামীক গ্ৰেপ্তাৰ কৰা হ’ব তাৰ এখন তালিকাও প্ৰকাশ কৰিছে।
মুখ্যমন্ত্ৰীয়ে ঘোষণা কৰা তালিকা অনুসৰি, ৰাজ্যৰ আৰক্ষী থানাসমূহত ৪ হাজাৰৰো অধিক বাল্য বিবাহৰ গোচৰ পঞ্জীয়ন হৈ আছে।
এই গোচৰৰ বিৰুদ্ধে ৩ ফেব্ৰুৱাৰী, শুকুৰবাৰৰ পৰা অসম আৰক্ষীয়ে ব্যৱস্থা গ্ৰহণ কৰিব।
ইয়াৰ বাবে তেওঁ সকলোকে সহযোগিতাও আগবঢ়াবলৈ আহ্বান জনাইছে।
মুখ্যমন্ত্ৰী ড০ হিমন্ত বিশ্ব শৰ্মাই টুইটাৰ হেণ্ডেলত উল্লেখ কৰা অনুসৰি ৰাজ্যৰ ৩৬ খন জিলাত ৪০০৪ টা তেনে গোচৰ ৰুজু হৈ আছে।
ইয়াৰ ভিতৰত সৰ্বাধিক গোচৰ ৰুজু হৈ আছে ধুবুৰীত।
জিলাখনত মুঠ ৩৭০ টা বাল্য বিবাহৰ গোচৰ ৰুজু হৈ আছে।
আনহাতে দ্বিতীয় স্থানত আছে হোজাই জিলা।
জিলাখনত আছে বাল্য বিবাহৰ ২৫৫ টা গোচৰ।
একেদৰে ২৩৫ টা গোচৰৰ সৈতে তৃতীয় স্থানত আছে ওদালগুৰি৷
২২৪ টা গোচৰৰ সৈতে মৰিগাওঁ আছে চতুৰ্থ স্থানত আৰু ২০৪ টা গোচৰৰ সৈতে কোকৰাঝাৰ আছে পঞ্চম স্থানত।
আনহাতে মাত্ৰ ১ টা গোচৰেৰে হাইলাকান্দি জিলা এই তালিকাৰ সবাতোকৈ তলত আছে।
ওচৰতে কোনো বাল্য বিবাহ কৰা লোক থাকিলে যোগাযোগৰ বাবেও মুকলি কৰিছে বিশেষ নম্বৰ৷
৯১৩২৬৯৯৭৩৫ নম্বৰযোগে আৰক্ষীক জনাব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
