অসম লাইভ ২৪ঃ ভেকচিন অবিহনেও কোভিডৰ বিৰুদ্ধে যুঁজিব পাৰে শিশুৱে। প্ৰাপ্তবয়স্কৰ তুলনাত অধিক ৰোগ প্ৰতিৰোধ ক্ষমতা আছে শিশুৰ। ‘ইণ্ডিয়ান কাউন্সিল অৱ মেডিকেল ৰিচাৰ্জ’(ICMR)ৰ তৰফৰ পৰা মঙলবাৰে এই কথা সদৰী কৰে। ইয়াৰ পৰিপ্ৰেক্ষিতত প্ৰাথমিক বিদ্যালয়সমূহ খোলাৰো পোষকতা কৰে ICMRয়ে। ICMRৰ মতে, কোভিড ভাইৰাছৰ সংক্ৰমণ প্ৰতিৰোধ কৰাৰ ক্ষমতা আছে শিশুসকলৰ দেহত। সংস্থাটোৰ এক গৱেষণা অনুসৰি দেশৰ ৬৭.৬% লোকৰ দেহত কোভিড ভাইৰাছ প্ৰতিৰোধী এণ্টিবডি পোৱা গৈছে। ইফালে, দেশত ক’ৰোনাৰ তৃতীয় ঢৌৰ আংশকা প্ৰকাশ কৰি দেশবাসীক অধিক সচেতন হোৱাৰ আহ্বান জনাইছে বিশেষজ্ঞসকলে। কোভিডৰ তৃতীয় ঢৌত বয়স্কলোকৰ সমান্তৰালকৈ শিশুসকল সংক্ৰমিত হ’ব বুলিও এক পূৰ্বানুমান কৰিছে ICMRয়ে। গতিকে বৰ্তমানৰ পৰিস্থিতিত বিদ্যালয়সমূহ বন্ধ ৰাখিলেও পৰৱৰ্তী সময়ত বিদ্যালয়ত পাঠদান কৰিব পাৰিব বুলি চিকিৎসা বিজ্ঞানীসকলে প্ৰকাশ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
