অসম লাইভ২ঃ পৃথিৱীৰ বাহিৰত মধ্যাকৰ্ষণ নাই৷ মধ্যাকৰ্ষণ শক্তি নথকা স্থানত প্ৰাণীয়ে যৌন সম্ভোগ ল’ব পাৰিবনে? এই পৰীক্ষাৰ দিশত এখোজ আগবাঢ়িছে ৰঙা চীন৷ পৰীক্ষাৰ বাবে চীনে মহাকাশলৈ পঠিয়াবলৈ সাজু কৰিছে বান্দৰ৷ মহাকাশত বান্দৰ পঠিওৱাৰ সকলো যাৱতীয় ব্যৱস্থা ইতিমধ্যেই সম্পন্ন কৰিছে চীনে৷ মাছ, শামুকৰ দৰে সৰু প্ৰাণীক লৈ গৱেষণা কৰিলেও অন্যান্য ডাঙৰ প্ৰাণীৰে কোনোৱে বৰ্তমানলৈ গৱেষণা কৰা নাই৷ চীনৰ এক সংবাদ মাধ্যে প্ৰকাশ কৰা অনুযায়ী মহাশূন্যলৈ পঠিয়াই বান্দৰকেইটাৰ শাৰীৰিক বৃদ্ধি আৰু প্ৰজনন প্ৰক্ৰিয়া স্বাভাৱিকভাৱেই সম্ভৱনে সেই কথা পৰীক্ষা কৰা হ’ব৷
এই পৰীক্ষা ইমান সহজো নহয় বুলি জনাইছে বিজ্ঞানীসকলে৷ ইয়াৰ পূৰ্বেও ৰুছ বিজ্ঞানীয়ে মহাকাশলৈ এন্দুৰ পঠিয়াই প্ৰজনন কৰাইছিল৷ কিন্তু মহাশূন্যত মিলিত হোৱা এন্দুৰকেইটাই বংশবৃদ্ধি কৰিব পৰা নাছিল৷ আনকি ১৮ দিন মহাকাশত থাকি উভতি অহাৰ পাছত এন্দুৰ কেইটাই জীৱনকালত আৰু সন্তান জন্ম দিব নোৱাৰিলে৷ বন্ধ্যাত্বই জীৱনকালত লগ নেৰিলে দুই এন্দুৰক৷ অৱশ্যে এইবাৰ চীনৰ বান্দৰকেইটাৰ কি হ’ব সেয়া সময়েহে ক’ব৷
উল্লেখ্য যে মহাকাশ গৱেষণাত ৰাছিয়া আৰু আমেৰিকাক টক্কৰ দিবলৈ উঠিপৰি লাগিছে চীন৷ বিগত বৰ্ষত মঙলৰ কক্ষপথত মহাকাশ ষ্টেচন নিৰ্মাণ কৰিছে চীনে৷ ইতিমধ্যে মহাকাশত মানুহ পঠিওৱা, চন্দ্ৰত অভিযানত সাৰ্থক হৈছে চীন৷ অদূৰ ভৱিষ্যতে চন্দ্ৰৰ কক্ষপথত এটা লুনাৰ ষ্টেচন নিৰ্মাণৰ পৰিকল্পনা কৰিছে চীনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
