অতিৰিক্ত বীৰ্যপাত হৈ মৃত্যু৷ এয়াও সম্ভৱনে? এয়া অলৌকিক নহয়, এই ঘটনা ঘটিছে চীন দেশত৷ ২৩ বছৰ বয়সীয়া এগৰাকী ব্যক্তি.এ মাত্ৰ ১০ দিনৰ ভিতৰত চাৰিবাৰলৈ এটা শুক্ৰাণু বেংকত শুক্ৰাণু দান কৰাৰ পাছতেই মৃত্যুক সাবটি লৈছে৷
দ্যা ডেইলি মেইলৰ ৰিপৰ্ট অনুসৰি চীনৰ হুৱেই প্ৰদেশৰ উহান বিশ্ববিদ্যালয়ত শুক্ৰাণু দান কেন্দ্ৰত এক ব্যক্তিগত কক্ষত জেং গেং নামৰ যুৱকক সংজ্ঞাহীন অৱস্থাত উদ্ধাৰ কৰিছে৷ কৰ্মীসকলৰ দাবী কক্ষলৈ যোৱাৰ পাছত প্ৰায় দুই ঘণ্টা পাৰ হৈ গলেও ঘৰৰ পৰা বাহিৰ হোৱা নাছিল যুৱকজন৷ ইয়াৰপাছতেই চিকিৎসাকৰ্মীয়ে দুৱাৰ ভাঙি ভিতৰলৈ সোমায়৷ দেখা যায় মেজত পৰি আছে গেং৷ তৎক্ষণাৎ চিকিৎসাৰ ব্যৱস্থা কৰা হলেও তেওঁক বচাব নোৱাৰিলে৷ শেষ পৰ্যন্ত হৃদৰোগত আক্ৰান্ত হৈ তেওঁ মৃত্যুক সাবটি লোৱা বুলি জনাইছে চিকিৎসকে৷ উল্লেখ্য যে গেং উহান চিকিৎসা বিজ্ঞানৰ ছাত্ৰ আছিল৷ আনকি তেওঁ অন্যলোককো শুক্ৰাণু দানৰ বাবে উৎসাহিত কৰা বুলি খবৰ আহিছে৷
ডেইলি মেইলৰ প্ৰতিবেদন অনুসৰি গেঙৰ পৰিয়ালে শুক্ৰাণু বেংকখনৰ বিৰুদ্ধে গোচৰ কৰে৷ আত্মীয়সকলৰ দাবী, যুৱকৰ মৃত্যুৰ বাবে ক্লিনিকখনেই দায়ী৷ আনকি ক্ষতিপূৰণ হিচাপে ৬৪৮, ৫৪৫ ডলাৰ দাবী কৰে যুৱকৰ পৰিয়ালে৷ ক্লিনিকখনে সেই যুৱকক ঘনে ঘনে শুক্ৰাণু দানৰ বাবে চাপ দিবলৈ দাবী কৰা বুলিও অভিযোগ৷ কিন্তু সেই দাবী মানি লোৱা নাই আদালতে৷ আদালতৰ ৰায়, মৃত্যুৰ বাবে তেওঁ নিজেই দায়ী৷ অতিৰিক্ত হস্পমৈথুনৰ দৰে বিষয়টো তেওঁ নিজেই সিদ্ধান্ত লৈছিল বুলি মত আদালতৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
